Europianët, pasi vendosën sanksione ndaj Rusisë për shkak të dëshirës dhe vendimit të SHBAsë, tani do ta paguajnë atë me industritë e tyre.
Europianët filluan të kuptojnë dalëngadalë se të vetmit fitues nga lufta në Ukrainë janë SHBAtë, të cilat në fakt, me një qëndrim oportunist, kërkojnë të kapin industritë europiane duke u dhënë stimuj për të kaluar në territorin amerikan.
Ministri francez i Financave Bruno Le Maire ka thënë se Akti i ri i Shteteve të Bashkuara për Reduktimin e Inflacionit përbën një kërcënim të madh për kompanitë europiane dhe se BEja duhet ta kundërshtojë me forcë.
“Ne duhet t’ua bëjmë të qartë partnerëve tanë amerikanë se është një problem i madh për ne. Nuk është e pranueshme. Mund të shkaktojë një tronditje të madhe në industrinë europiane”, tha Le Maire për BFM TV.
“Unë mendoj se është koha që ne europianët t’u themi miqve tanë amerikanë se jemi shumë të shqetësuar për inflacionin dhe deindustrializimin e Europës dhe se jemi të vendosur të mos e bëjmë këtë.”
Industritë europiane kanë frikë se ligji, i cili jep një kredi tatimore për çdo përbërës të pranueshëm të prodhuar në një fabrikë në SHBA, do të heqë investimet e mundshme nga kontinenti (dhe kjo është pikërisht ajo që do të bëjë).
Akti i ri i Shteteve të Bashkuara për Reduktimin e Inflacionit, i cili u nënshkrua në ligj në gusht, jep gjithashtu një kredi tatimore prej 30% për koston e fabrikave të reja, ose të përmirësuara që prodhojnë komponentë të energjisë së rinovueshme.
Më në fund, ka një “fitues” nga kriza energjetike në Europë dhe ai nuk është tjetër veçse SHBAve, që tani po “vënë duart” në industritë që zhveshin BEnë, e cila do të mbetet me S. Michel, Ursula dhe V. Zelensky.
Domethënë europianët pasi vendosën sanksione ndaj Rusisë sepse SHBAtë donin që europianët ta paguajnë me ekonomitë e tyre, në të njëjtën kohë ekonomia amerikane do të marrë çdo industri aktive të Perëndimit!
Duke pasur parasysh paqëndrueshmërinë e lartë në energjinë dhe zinxhirët e furnizimit, Uashingtoni njoftoi stimuj të fortë dy muaj më parë për prodhimin dhe energjinë e gjelbër, duke anuar peshoren në favor të SHBAsë, veçanërisht duke favorizuar kompanitë në kimikatet, bateritë dhe sektorët me energji intensive në përgjithësi.
Pavarësisht se Shtetet e Bashkuara vuajnë nga inflacioni shumë i lartë, problemet me zinxhirët e furnizimit dhe shqetësimet për një ngadalësim, ekonomia po bën një rimëkëmbje relativisht të fortë pas pandemisë në krahasim me Kinën, e cila është goditur nga bllokimet dhe Europa është destabilizuar nga lufta.
