Valë dorëheqjesh pas ultimatumit të Musk, Largohen 1.200 punonjës brenda një dite.
Shumë përdorues të platformës po parashikojnë fundin e Twitter dhe z.Tesla.
Punonjësit e Twitter thuhet se po largohen masivisht nga kompania pas ultimatumit të Elon Musk që kërkon që të mbijetuarit e pushimeve masive të bien dakord për orë të pakushtëzuara, me intensitet të lartë dhe pafundësi punësimi ose të largohen.
Duke folur për një epokë ‘të re’ në Twitter, Musk ishte i shpejtë për të informuar punonjësit se ata duhet të jenë të përgatitur për të punuar në një mjedis jashtëzakonisht të kërkuar. Afati i vendosur nga ultimatumi i Musk për punonjësit që të klikojnë butonin “pranoj” ka skaduar, pasditen e djeshme.
Ndërsa mbetet e paqartë saktësisht se sa prej tyre kanë konfirmuar dorëheqjet e tyre. ‘Fortune’ vlerëson se midis 1.000 dhe 1.200 punonjës janë larguar deri më tani, me Musk duke u kërkuar të gjithë atyre që kanë mbetur të raportojnë në selinë e Twitter në San Francisko.
Mijëra përdorues të platformës, kryesisht ish partnerët e saj, analistë dhe gazetarë, tashmë kanë filluar të pyesin veten nëse i ka ardhur fundi Twitter-it.
Vonë në mbrëmje, Musk tha se nuk ishte i shqetësuar për dorëheqjet, duke shtuar: “Më i miri do të qëndrojë”.
“Sapo kemi thyer një tjetër rekord të përdorimit të të gjitha kohërave”, shkroi ai gjithashtu. Dhe i shoqëroi postimet e tij me një flamur pirati që shfaq kafkën dhe një meme që përshkruan një figurë me kokë zogu, markë tregtare e Twitter-it, përpara një varri me logon e platformës.
Dje pasdite, Twitter Inc paralajmëroi punonjësit se zyrat e kompanisë do të mbyllen përkohësisht dhe do t’u ndalohet çdo akses.
Në fillim të muajit, në kompani kishte më shumë se 7.000 punonjës. Tani, 2.500 punonjës që mbetën janë ndaluar nga zyrat e tyre, deri të hënën, pa asnjë arsye zyrtare për vendimin, sipas ‘Daily Mail’.
Ndërkohë, përdoruesit e mediave sociale sulmuan Musk në Twitter me #RIPTwitter dhe me shaka krahasuan eksodin masiv nga kompania me Titanikun që po fundoset dhe një shtëpi në zjarr.
