David Axe: Ushtria e Donetskut hyri në luftë me 20.000 burra, pothuajse të gjithë të vrarë ose të plagosur.
Rreth 30% e territorit në Ukrainë është minuar për shkak të luftës me Rusinë, njoftoi dje Shërbimi ukrainas i Emergjencave.
Sipërfaqja dhe numri i minave të vendosura nga palët kundërshtare është dhjetëfishuar krahasuar me periudhën para shpërthimit të konfliktit më 24 shkurt, sipas të njëjtit burim.
Minat tokësore janë përdorur tashmë në Ukrainë që kur shpërtheu konflikti midis ushtrisë qeveritare dhe forcave nga Donbass, siç njihet rajoni lindor i vendit, në vitin 2014.
Operacionet e çminimit janë duke u zhvilluar në sektorët e rimarrë së fundi në rajonet Kherson dhe Mykolife. Bëhet fjalë për toka me një sipërfaqe totale prej 8.000 kilometrash katrorë.
Zelenski nuk sheh nga ana e tij ndonjë mundësi “armëpushim të shkurtër”.
Presidenti ukrainas Volodimir Zelenski hodhi poshtë të premten idenë e shpalljes së një “armëpushimi të shkurtër” me Rusinë, duke argumentuar se kjo vetëm do ta përkeqësonte situatën.
“Rusia tani po kërkon një armëpushim të shkurtër, një pushim për të rifituar fuqinë e saj. Ne mund të shohim fundin e luftës, ky pushim nuk do të bënte gjë tjetër veçse do të përkeqësonte situatën”, tha kreu i shtetit ukrainas në fjalimin e tij në Forumin Ndërkombëtar të Sigurisë në Halifax (Kanada).
“Paqja e vërtetë, e qëndrueshme dhe e ndershme do të vijë vetëm me shkatërrimin e plotë të agresionit rus”, shtoi Zelenski.
Më herët, dje, Shtëpia e Bardhë tha se vetëm Zelenski mund të miratojë fillimin e negociatave midis Ukrainës dhe Rusisë, duke mohuar se ka pasur ndonjë presion nga qeveria amerikane ndaj Kievit.
