Gazprom njoftoi më herët të enjten se po redukton prodhimin e gazit natyror.
Prodhimi arriti në 394.1 miliardë metra kub midis 1 janarit dhe 15 dhjetorit, një rënie prej 19.6% krahasuar me të njëjtën periudhë të vitit 2021.
Eksportet në vendet jo-CIS (Commonwealth of Independent States – Ish Republikat Sovjetike) ranë 45.1% në 97.8 miliardë metra kub në të njëjtën periudhë, tha gjithashtu Gazprom, sipas Reuters.
“Ukraina ndalon gazin nga Moldavia.”
Lidhur me “shkakun” e kërcënimit, Gazprom në një deklaratë në Telegram, theksoi se disa vëllime të gazit natyror të destinuara për Moldavinë mbeten në Ukrainë dhe shtoi se deri më tani Kievi ka grumbulluar ilegalisht 52.52 milionë metra kub gaz natyror të destinuar për Moldavinë.
Sipas të njëjtit njoftim, nëse këto “zhbalancime” vazhdojnë, Gazprom do të fillojë të shkurtojë furnizimin me gaz në Ukrainë.
Naftogaz i Ukrainës nuk iu përgjigj menjëherë kërkesës së Bloomberg për koment.
Vihet re se kompania ruse dërgon rreth 43 milionë metra kub në ditë në Europë nëpërmjet Ukrainës, rruga e fundit e mbetur në tregjet e Europës Perëndimore.
Erdogan flet me Gazprom për qendrën turke.
Kreu i gjigantit rus të gazit energjetik Gazprom, Alexei Miller, u takua me presidentin turk Rexhep Tajip Erdogan në Stamboll dhe diskutoi perspektivat për qendrën turke të gazit si dhe furnizimet me gaz rus në Turqi, njoftoi sot Gazprom.
Presidenti rus Vladimir Putin kishte propozuar në tetor që Turqia të bëhet një bazë për furnizimet me gaz natyror pasi tubacionet Nord Stream në Detin Baltik u dëmtuan në shtator nga shpërthimet / sabotazhi.
Presidenti turk ka thënë se është dakord me idenë.
Në fakt, të dielën, Vladimir Putin dhe Rexhep Tajip Erdogan do të kenë bisedime të reja në të ardhmen e afërt.
