Planet e qarta armiqësore greke lidhur me Rusinë, një hap i rrezikshëm për interesat kombëtare greke.
Ministria e Punëve të Jashtme ruse lëshoi gjithashtu një njoftim në lidhje me transferimin e S-300 greke në Ukrainë. Moska nisi një sulm të paprecedent ndaj Greqisë.
Sipas njoftimit rus:
“Synimet e qeverisë greke për të dërguar sisteme antiajrore S-300 në Ukrainë janë provokuese, të gjitha pajisjet ushtarake të dërguara në Kiev do të shkatërrohen nga Forcat e Armatosura Ruse”, tha të hënën zëdhënësja e Ministrisë së Jashtme ruse Maria Zakharova.
Sipas Sputnik, zonja Zakharova vuri në dukje se “udhëheqja greke ka filluar gjithnjë e më shumë të deklarojë gatishmërinë e saj për transferimin e sistemeve raketore antiajrore S-300PMU-1, të vendosura në ishullin e Kretës, në Ukrainë, me kusht që të marrë një numër shtesë të sistemeve amerikane të mbrojtjes ajrore Patriot, për t’i zëvendësuar ato.
Ne i konsiderojmë planet provokuese për të furnizuar regjimin e Kievit me S-300 dhe sisteme të tjera të mbrojtjes ajrore të stilit rus/sovjetik, si qartazi armiqësore ndaj Rusisë”, tha Zakharova në një deklaratë të postuar në faqen e internetit të Ministrisë së Jashtme.
Në deklaratën e Ministrisë së Jashtme ruse theksohet gjithashtu:
“Injorohet mendimi i qytetarëve grekë, 70% e të cilëve, sipas sondazheve, kundërshtojnë dërgimin e armëve në Ukrainë. Qeveria në Athinë nuk shqetësohet se duke dërguar armë në zonën e luftimit bëhet një bashkëpunëtor i menjëhershëm i neonazistëve ukrainas që po bëjnë një luftë kriminale kundër popullsisë civile paqësore të rajoneve të Donbass, Zaporizhia dhe Kherson, duke përfshirë shumë grekë që jetojnë atje.”
Gjithashtu në njoftimin e znj. Zakharova thuhet me emfazë:
“Kujtojmë se ndër të tjera bëhet fjalë për shkelje flagrante të dispozitave të marrëveshjeve ndërqeveritare ruso-greke për bashkëpunimin ushtarako-teknik të datës 30 tetor 1995 dhe për furnizimin me produkte ushtarake të datës 3 dhjetor 2013, të cilat e ndalojnë kategorikisht Greqinë që të rieksportojë pajisje ushtarake të blera nga ne, tek një palë e tretë, pa pëlqimin e Rusisë.
Shkelja e detyrimeve të Traktatit do të ketë në mënyrë të pashmangshme pasoja, pa përmendur një dobësim të ndjeshëm të aftësisë mbrojtëse greke në fushën e mbrojtjes ajrore.“
Njoftimi përfundon me sa vijon:
“Më në fund, askush nuk duhet të ketë asnjë dyshim se të gjitha pajisjet ushtarake të dërguara (nga Greqia) në Kiev do të zbulohen dhe asgjësohen menjëherë nga Forcat e Armatosura të Federatës Ruse.
Para se të jetë tepër vonë, mund të braktisni planet e rrezikshme. Edhe një herë paralajmërojmë udhëheqjen greke që të marrë përgjegjësinë për veprimet e saj.”
Një zyrtar i lartë rus i dërgoi një paralajmërim qeverisë greke që të mos i japë Ukrainës S-300.
Në mënyrë më të detajuar, përfaqësuesi i përhershëm i të ashtuquajturës Republika Autonome e Krimesë në Rusi, Georgi Muradov, foli për agjencinë shtetërore ruse të lajmeve RIA Novosti dhe iu referua zhvillimeve rreth luftës në Ukrainë dhe “thashethemeve” në lidhje me furnizimin të sistemeve greke të mbrojtjes ajrore S-300, për forcat ukrainase.
Zyrtari rus, i cili e njeh gjuhën greke dhe e njeh shumë mirë çështjen S-300, pasi ka qenë ambasador i Federatës Ruse në Qipro në periudhën 1996 – 1999, kur u shkaktua kriza e Qipros e sistemeve raketore ruse e cila rezultoi duke i dërguar ato në Greqi, ai tha se nëse S-300 grekë do të dërgoheshin në Ukrainë, do të ishte një “shfaqje absurde e armiqësisë ndaj Rusisë”.
Në veçanti, Giorgi Muradov tha:
“Një veprim i tillë i Athinës nuk do të ishte vetëm një shfaqje e paarsyeshme e armiqësisë ndaj Rusisë, por edhe një hap i rrezikshëm drejt interesave të saj kombëtare, diçka që edhe opinioni publik grek e shpreh me zë të lartë dhe të theksuar.”
Ambasadori rus argumentoi gjithashtu se Greqia duhet të kujtojë se Rusia e furnizoi Qipron me sistemet e mbrojtjes ajrore S-300 në fund të shekullit të kaluar.
“Si ambasador rus në Qipro në atë kohë, mund t’ju kujtoj se ata nuk po operojnë kundër Rusisë, sepse janë të pajisur me një sistem identifikimi ‘mik-armik'”, tha ai.
“Megjithatë, transferimi i këtyre sistemeve në Kiev padyshim që do të minonte rrënjësisht aftësinë e mbrojtjes greke”, shtoi ai.
Media ruse shkruan se Greqia do të dërgojë S-300 në Ukrainë nëse SHBA-të i japin Greqisë sisteme Patriot, duke cituar deklaratat e ministrit grek të Mbrojtjes, Nikos Panagiotopoulos.
Ministri i Mbrojtjes Kombëtare tha se është i gatshëm t’i dorëzojë Ukrainës sistemet S-300 të vendosura në Kretë, nëse SHBA dërgon sistemet e mbrojtjes raketore Patriot në këmbim, siç raportojnë mediat ruse.
Ky pranim është bërë gjatë takimit të Krishtlindjeve në Ministrinë e Mbrojtjes Kombëtare, ku është pyetur për rolin e S-300 në Kretë dhe në mbrojtjen ajrore greke, thekson agjencia ruse e lajmeve TASS.
“Nëse SHBA vendos sistemin Patriot në ishull, atëherë pasi të integrohet në sistemin kombëtar të mbrojtjes ajrore, S-300 mund të hiqen”, u përgjigj ministri.
“I njëjti proçes vlen për çdo sistem tjetër rus të mbrojtjes ajrore që (SHBA) do të dëshironte të dërgonte në Ukrainë”, shtoi ai.
Për rrjedhojë, qeveria greke është e gatshme t’i dorëzojë Kievit jo vetëm S-300, por edhe sistemet Tor-M1 dhe Osa-AKM.
Transferimi i armëve ruse në Ukrainë nën presionin e Shteteve të Bashkuara, vazhdon botimi rus, do të nënkuptojë se mbrojtja ajrore greke do të privohet nga aftësi, që pala turke nuk i njeh dhe nuk mund t’i përballojë, por, nëse ndoshta i jep dhe i heq nga Greqia, për Qeverinë e Kyriako Mitsotakis, le të jenë të parat marrëdhëniet e mira me SHBA-në dhe le të jetë e dyta Greqia.
Agjencia RIA vuri në dukje se që nga vitet 1990, Greqia ka përdorur sistemet ruse të raketave anti-ajrore S-300 (S-300PMU-1) dhe Tor-M1, sistemet ushtarake të raketave anti-ajrore Osa-AKM (klasifikimi i NATO-s SA- 8 Gecko “Gecko”), sistemet antitank Kornet-E dhe Fagot, avionët amfib Zubr dhe transportuesit e blinduar të personelit.
Qeveria Mitsotakis e izoluar dhe e ndrydhur në një seri skandalel është duke kërkuar diku përplasjen, konfliktin, për të shmangur vëmendjen nga politika e brendshme. Është hera e parë në histori që marrëdhëniet mes Rusisë dhe Greqisë janë në këtë situatë, thuajse inekzistente, jo vetëm kaq, tejet të acaruara.
Të dërgosh armët që ke blerë dhe të janë dhënë nga Rusia, tek një palë e tretë, për të luftuar dhe goditur Rusinë, përveçse është shkelje flagrante e marrëveshjeve dhe e traktateve të nënshkruara, por mbi të gjitha nuk është deondologjike, morale, politikisht e mundshme dhe padyshim një lëvizje e tillë provokuese është antigreke.
