Dy serbë në spital me plagë nga armë zjarri.
“Nuk lejojmë vrasjen e njerëzve tanë”, deklaron A. Vuçiç.
Situata në Kosovë doli jashtë kontrollit, me serbët që u kundërpërgjigjën planeve kosovare dhe u përleshën me trupat e KFOR-it të udhëhequr nga NATO, ndërsa ata u përpoqën të kapnin zyrat e njërës prej komunave ku kryetarët shqiptarë morën detyrën javën e kaluar.
Serbët filluan përleshjet me policinë në mëngjes në komunën e Zveçanit, 45 kilometra në veri të kryeqytetit Prishtinë. Pasdite, ushtarët e KFOR-it u bënë thirrje serbëve që t’u hapin rrugën dy automjeteve nga forcat speciale të policisë së Kosovës.
Ushtarët më pas përdorën gaz lotsjellës dhe granata trullosëse për të mbrojtur oficerët kosovarë në automjete dhe për të shpërndarë protestuesit, sipas dëshmitarëve dhe mediave lokale.
Situata në Kosovë më e acaruar se kurrë. Pritet që përplasjet të përshkallëzohen, pasi palët nuk duket se mund të tërhiqen dhe sigurisht mungon vullneti për të gjetur gjuhën e marrëveshjes.
