Diplomatë dhe atashe ushtarakë iranianë të vdekur, brenda ambasadës.
Ndërtesa e konsullatës iraniane në Damask, e cila përdorej edhe si rezidencë nga ambasadori iranian në Damask, u bombardua nga Izraeli mesditën e së hënës, sipas mediave iraniane.
Të njëjtat burime thonë se ambasadori iranian nuk është lënduar në sulmin ajror pasi ka munguar edhe pse kjo ende nuk është konfirmuar.
Raporte të tjera tregojnë se ndërtesa e goditur pikërisht pranë ambasadës iraniane ishte rezidenca e ambasadorit.
Lloji i armës së përdorur në sulm mbetet i panjohur, pasi është e paqartë nëse sulmi është kryer nga avionët luftarakë izraelitë, apo nga ndonjë raketë lundrimi.
Sipas Reuters, bombardimi goditi edhe një ndërtesë pranë ambasadës iraniane, duke vrarë komandantin e lartë të Gardës Revolucionare në Siri dhe Liban, Mohammad-Reza Zahedi. Sipas të gjitha gjasave, kjo ndërtesë e veçantë ishte një qendër komandimi.
Më herët, agjencia shtetërore e lajmeve siriane raportoi se mbrojtja ajrore siriane ka kapur “objektivat e armikut” në periferi të Damaskut.
Sipas Observatorit Sirian për të Drejtat e Njeriut, “të paktën katër raketa izraelite shënjestruan zonën Jamraja, ku ndodhet një qendër kërkimore shkencore, duke shkaktuar zjarr”. Termi “qendër kërkimore shkencore” zakonisht i referohet objekteve ushtarake, ose atyre qeveritare.
Ushtria izraelite në bombardimet që nis në Siri synon organizata të afërta me Iranin, mbi të gjitha Hezbollahun libanez, si dhe oficerë iranianë që ndodhen në territorin sirian, në rol këshillues.
Operacionet e Izraelit u shumëfishuan pas shpërthimit të luftës në Rripin e Gazës.
Sipas informacioneve, nga sulmi janë vrarë 8 persona.
Duhet të theksohet se nëse ambasada iraniane është goditur me të vërtetë, kjo është një ‘casus belli’ dhe mund të ketë një hakmarrje serioze nga Irani.
