Radari Iron Dome dhe UAV Hermes 450 u shkatërruan.
Hezbollahu nisi sulmin e tij më të madh, të thellë, ndaj Izraelit që nga fillimi i luftës në Gaza, duke goditur bazat ushtarake izraelite pranë Haifës. Mediat izraelite flasin për “një kthesë shumë të rrezikshme që i sjell të dyja palët në prag të një konflikti”.
Ndër sulmet e Hezbollahut në javën e fundit, qëndron shkatërrimi i një radari izraelit EL M-2084 në bazën ushtarake Meron, një element kyç i sistemit të mbrojtjes kundër raketave Iron Dome dhe tentativa për shkatërrimin e një njësie artilerie të të njëjtit sistem.
Përveç kësaj, Hezbollahu rrëzoi një tjetër UAV “Hermes 450” mbi territorin libanez me një raketë anti-ajrore iraniane.
Hezbollah: Nisi një ofensivë të madhe thellë në territorin Izraelit.
Hezbollahu i Libanit lëshoi disa dronë në bazat ushtarake izraelite pranë Haifës të martën, në sulmet më të thella brenda tokës izraelite që nga fillimi i armiqësive ndërkufitare dhe lufta e Gazës në tetor.
Sulmi i Hezbollahut erdhi disa orë pasi një sulm Izraelit me dron, goditi një automjet pranë qytetit jugor të Libanit, Aadloon më herët të martën, duke vrarë dy persona, përfshirë dhe një zyrtar të lartë të grupit.
Në një deklaratë të shpërndarë nga stacioni Al-Manar i lëvizjes, Hezbollah pretendoi se, “ka nisur një sulm ajror duke përdorur drone, me synim selinë e brigadës Golani dhe njësinë Egoz 621 të vendosur në kazermat ushtarake Shraga në veri të qytetit të pushtuar të Acre”.
Forcat e Mbrojtjes së Izraelit (IDF) thanë se rrëzuan tre objektiva mbi det në rajonin Acre dhe Naharija, pa thënë nëse ka pasur dëme apo lëndime në bazën ushtarake.
Hezbollah: Sulm i ri i fuqishëm me dhjetëra raketa kundër Izraelit.
Hezbollahu i Libanit ka gjuajtur dhjetëra raketa në drejtim të Izraelit pasi dy civilë u vranë në një bombardim izraelit të një shtëpie në qytetin Hanin.
Luftëtarët e Hezbollahut lëshuan “dhjetëra raketa Katjusha” në drejtim të pjesës veriore të Izraelit, “në shenjë hakmarrjeje për sulmet e armikut izraelit ndaj shtëpive të civilëve, si në masakrën e Haninit”, thuhet në njoftimin përkatës.
Agjencia zyrtare e Lajmeve e Libanit (NNA) raportoi se sulmi izraelit vrau një grua rreth të 50-tave dhe një vajzë 12-vjeçare, ndërsa gjashtë persona të tjerë u plagosën.
“Aeroplanët luftarakë të armikut lëshuan dy raketa ajër-tokë kundër një shtëpie dykatëshe, të cilën e shkatërruan plotësisht”, raportoi NNA. Viktimat ishin anëtarë të një familjeje, që nuk ishte larguar nga shtëpia e tyre edhe pse sulmet izraelite në zonë janë intensifikuar muajt e fundit.
Ushtria izraelite godet 40 objektiva të Hezbollahut në Libanin jugor.
IDF nisi këtë mëngjes një operacion të madh kundër pozicioneve të Hezbollahut në Libanin e Jugut, pranë kufirit me Izraelin. Avionët, tanket dhe artileria kanë goditur më shumë se 40 objektiva, duke përfshirë objektet e Komandës dhe Kontrollit, depot e armëve, vendet e ruajtjes së municioneve dhe infrastrukturën tjetër të Hezbollahut.
“Pak më parë, avionët luftarakë dhe artileria e ushtrisë izraelite goditën rreth dyzet objektiva terroriste të Hezbollahut”, njoftoi ushtria.
Gjithashtu, Ministri i Mbrojtjes i Izraelit, Joav Gallad, pohoi se sulmet ajrore izraelite kanë vrarë gjysmën e komandantëve të Hezbollahut në Libanin jugor që nga fillimi i përleshjeve ndërkufitare, së bashku me luftën në Rripin e Gazës, tetorin e kaluar.
Dy zyrtarë të lartë të Hezbollahut u vranë.
Dy operativë të lartë të Hezbollahut u vranë në sulmet ajrore izraelite në Libanin jugor këtë mëngjes dhe gjatë natës, tha ushtria izraelite.
Objektivi i sulmit me dron mëngjesin e sotëm në Aadloun, pranë qytetit bregdetar të Tyre, ishte Hussein Azkul, për të cilin IDF tha se ishte “i përfshirë shumë në aktivitetet e njësisë së mbrojtjes ajrore dhe ishte i përfshirë në planifikimin dhe ekzekutimin e aktiviteteve terroriste”.
Ushtria izraelite thotë se vdekja e tij është një “goditje e rëndësishme” për njësinë e mbrojtjes ajrore të Hezbollahut.
Sulmi gjatë natës në Libanin jugor vrau Mohammed Attijah, i cili ishte anëtar i njësisë ajrore të forcës elitare të Hezbollahut Radwan.
Attiya “ka marrë pjesë në përgatitjen dhe ekzekutimin e sulmeve terroriste” kundër Izraelit, thotë IDF.
Hezbollahu konfirmoi vdekjen e Azkulit dhe Atija, duke i çuar viktimat e grupit në 287, që nga 7 tetori 2023.
