Mbrojtja civile është në këmbë.
Ka shkuar në 66 numri i të vdekurve në Brazil nga përmbytjet shkatërruese.
Numri i të vdekurve nga shirat e dendur në shtetin jugor të Rio Grande do Sul të Brazilit është rritur në të paktën 66, thanë sot autoritetet lokale, ndërsa numri i personave të zhdukur u rrit në 101 dhe më shumë se 80,000 janë evakuuar nga shërbimi i mbrojtjes civile.
Stuhitë gjatë ditëve të fundit kanë prekur rreth dy të tretat e afro 500 qyteteve më të mëdha dhe më të vogla në shtet, i cili kufizohet me Uruguain dhe Argjentinën.
Përmbytjet shkatërruan rrugë dhe ura në disa zona. Shirat shkaktuan gjithashtu rrëshqitje dheu dhe shembje të pjesshme të një dige në një hidrocentral të vogël.
Presidenti Luiz Inacio Lula da Silva pritet të vizitojë Rio Grande do Sul gjatë ditës së sotme.
