Cili është software “mëkatar” Crowdstrike?
A mund të jetë e gjitha kjo për një kompani?
Firma e sigurisë kibernetike Crowdstrike, një kompani teknologjike amerikane, po fajësohet për “kaosin” global dixhital që është shkaktuar sot në mbarë planetin, i cili thuhet se ka lëshuar një përditësim të software të sigurisë që komprometon pajisjet me Windows, duke shkaktuar të ashtuquajturin “ekran blu i vdekjes për kompjuterët”, siç raportohet nga BBC.
Sipas thenightly.com.au, një faqe nga Australia ku fillimisht filluan problemet, pak orë më parë filloi një vërshim raportesh nga organizata të ndryshme se interneti i tyre ishte i fikur dhe gabimet e “ekranit blu” po shfaqeshin në kompjuterat e tyre.
Sistemet kompjuterike gjithashtu kanë rënë, me makinat që bëjnë ‘restart’ vazhdimisht.
Në një këshillë për përdoruesit e CrowdStrike, kompania tha se ishte “në dijeni të raporteve të gabimeve në hostet e Windows që lidhen me sensorin Falcon”.
Falcon Sensor është një program i instaluar në kompjuterat e biznesit për të mbledhur të dhëna sigurie.
Pyetja është nëse Crowdstrike është me të vërtetë përgjegjës për “kaosin” e pabesueshëm që është shkaktuar në mbarë botën, apo është thjesht një “kokë turku” i përshtatshëm për të fshehur diçka tjetër që do të shkaktonte shqetësim të madh?
CrowdStrike Holdings, Inc. është një kompani amerikane e teknologjisë së sigurisë kibernetike me bazë në Austin, Teksas.
Ofron shërbime sigurie kundër sulmeve kibernetike.
Kompania e software e reklamon veten si “një lider global në sigurinë kibernetike me një platformë të avancuar cloud për të mbrojtur pikat fundore, ngarkesat e punës në cloud, identitetet dhe të dhënat”.
Faqja e saj e internetit thotë se “29,000 klientë i besojnë CrowdStrike për të mbrojtur” të dhënat e tyre.
Falcon Sensor është “një platformë e krijuar posaçërisht për të ndaluar shkeljet përmes një grupi të unifikuar teknologjish të ofruara nga cloud që parandalojnë të gjitha llojet e sulmeve – duke përfshirë malware dhe më shumë”, shpjegon web-site CrowdStrike.
Sipas kompanisë, CrowdStrike Falcon i përgjigjet strategjive më të fundit të përdorura nga “sulmuesit e avancuar” duke përdorur një “zgjidhje të fuqishme por të lehtë që integron antivirusin e gjeneratës së ardhshme, zbulimin dhe reagimin e pikës fundore, inteligjencën e kërcënimeve kibernetike, aftësitë e menaxhimit të kërcënimeve dhe higjienën e sigurisë – të gjitha të përfshira në një sensor të vogël, të vetëm dhe të lehtë të menaxhuar dhe dorëzuar përmes cloud”.
