Taktika që ka ndjekur sërish!
Presidenti Joe Biden mori një vendim të paprecedent më 21 korrik 2024, u tërhoq nga fushata e tij për rizgjedhje. Pak presidentë kanë refuzuar një mandat të dytë, i fundit ishte Lyndon B. Johnson në 1968.
Por asnjëherë kaq pranë zgjedhjeve, me më pak se katër muaj para datës së zgjedhjeve. Në një postim të veçantë nga njoftimi i tij fillestar, Biden miratoi emërimin e zëvendëspresidentes të tij, Kamala Harris, për të qenë kandidate për presidente e Partisë Demokratike, në vend të tij. Vendimi u vlerësua nga shumë demokratë, por njëri prej tyre zgjodhi të heshte dhe ky ishte ish presidenti Barack Obama.
Në deklaratën e tij të parë pas njoftimit, Obama nuk e përmendi zëvendepresidenten Kamala Harris. “Do të lundrojmë në ujëra të paeksploruara në ditët në vijim”, tha ai “por unë kam besim të jashtëzakonshëm se liderët tanë të partisë do të jenë në gjendje të krijojnë një proçes që do të prodhojë një kandidat të shquar”.
Heshtja e tij ka tërhequr shumë vëmendje.
Stephen Nelson, korrespondenti i New York Post në Uashington, spekuloi duke thënë se heshtja e Barack Obama-s si një lider i respektuar mes demokratëve mund të dëmtojë Kamala Harris. “Mungesa e mbështetjes për Kamala Harris mund të dëmtojë kandidaturën e saj dhe të inkurajojë në heshtje kandidatët e rinj që do të dalin”, shkroi Nelson. Megjithatë, sipas Seattle Times, disa persona në rrethin e brendshëm të Obama-s thanë dhe pretenduan se politikani nuk ka në mendje askënd në veçanti, për nominimin.
Në rrjetet sociale, disa vunë në dukje vendimin e Obama-s për të mos përmendur emrin e Harris në deklaratën e tij, duke përdorur fjalën “kandidat”.
“Që Joe Biden duke parë të gjithë peizazhin politik vendosi se duhet t’ia kalojë pishtarin një kandidati të ri është padyshim një nga gjërat më të vështira që ka bërë ndonjëherë”, shkroi ish presidenti Obama. Të tjerë sugjeruan se përzgjedhja e tij ishte strategjikisht e rëndësishme, sepse në rast të një nominimi të kontestuar, ai mund të përdorte ndikimin e tij për të shtyrë më pas Harris.
Një burim i njohur nga të meçurit pranë Obama-s tha diçka të ngjashme për MSNBC. “Ashtu siç bëri në vitin 2020 kur Joe Biden fitoi nominimin, presidenti Obama beson se është i pozicionuar për të ndihmuar në unifikimin e partisë, pasi të ketë një kandidat, që më pas ta promovojë atë dhe të bëjë gjithçka që mundet që ai kandidat të zgjidhet në nëntor”. Burimi vuri në dukje se megjithëse Obama tha “fjalë mbështetëse” për Biden gjatë fushatës së tij 2020, ai nuk e miratoi zyrtarisht atë derisa senatori Bernie Sanders u largua nga gara.
Në një shkrim për New York Times, gazetari dhe ish korrespondenti i Shtëpisë së Bardhë, Glenn Thrush tha se Biden është një “njeri thellësisht krenar” që nuk e fali Barack Obama-n për mbështetjen për Hillary Clinton në vitin 2016. Sipas gazetarit, ish zyrtar i Dhomës A, i cili flet rregullisht me ish presidentin, tha se donte ta përqëndronte momentin rreth presidentit Biden, “z.Obama donte që e diela të ishte për zotin Biden, një festë e arritjeve të tij dhe ai nuk ndihet në presion për të vepruar me ngut”.
Harris ka marrë miratime nga Bill dhe Hillary Clinton, Sen. Elizabeth Warren, Rep. Jim Clyburn, Guvernatori i Kalifornisë Gavin Newsom dhe Sekretari i Transportit Pete Buttigieg. Por, siç vuri në dukje Politico, disa demokratë në shtetet e fushës së betejës mbetën “të heshtur në mënyrë të dukshme” për kandidaten.
Një kryetar demokrat i Dhomës së Përfaqësuesve i tha gazetës se ndjenja e votuesve për Harris “nuk është më e mira dhe në kualifikimet e katër viteve më parë, ajo nuk zgjati shumë”, tha ai. Koha do të tregojë nëse kjo pikëpamje e supozuar mund të ndryshojë.
Por një gjë është e sigurtë, për momentin Demokratët e Amerikës nuk kanë një kandidat për president.
