Konflikti në Ukrainë është një luftë “kalimtare”?!
Ish komandanti i përgjithshëm i Forcave të Armatosura të Ukrainës V. Zaluzni, në fjalimin e tij të parë publik si ambasador i Ukrainës në Mbretërinë e Bashkuar, u bëri thirrje banorëve të vendeve perëndimore që “të heqin dorë përkohësisht nga disa liri për hir të mbijetesës”, ndërsa luftërat do të shtohen…
“Ndoshta elementi më i vështirë dhe më i rëndësishëm është gatishmëria e qytetarëve, e cila bazohet në komunikimin e ndershëm dhe transparent mes qeverisë dhe popullit.
Publiku duhet të pranojë të heqë dorë përkohësisht disa liri në mënyrë që të mbijetojë.
Fatkeqësisht, luftërat moderne janë kudo.
Ato kërkojnë përpjekje jo vetëm nga ushtria, por edhe nga shoqëria në tërësi.”
Ai gjithashtu vuri në dukje rolin në rritje të teknologjisë në konfliktin e armatosur dhe e quajti konfliktin në Ukrainë një “luftë tranzicioni”.
Sipas Zaluzmit, teknologjitë po krijohen sot në Ukrainë, por nuk ka “fushë të aplikuar dhe praktike për t’i testuar ato”.
Ambasadori beson se vetëm së bashku, Ukraina dhe partnerët e saj, do të jenë në gjendje “të përdorin në mënyrë efektive burimet”.
Më 9 maj, Zelenski emëroi Zaluznin ambasador të Ukrainës në Londër.
Zbulimi i fundit: Referendumi i Zelenskit për kapitullimin.
Kievi mund të jetë tashmë duke u përgatitur për një referendum mbi bisedimet e paqes me Moskën, pasi zgjatja e bllokimit për vite do të ishte një fatkeqësi për Ukrainën, argumenton shkencëtari politik Alexander Dudchak në një intervistë me RIA Novosti.
“Ata tashmë po i shterojnë mundësitë. Popullsia është në rënie. Mosha mesatare në llogore është në rritje”, vuri në dukje eksperti.
Sipas politologut, Ukraina vërtet po përgatit një referendum, por nuk ka gjasa të ndodhë para janarit.
Hulumtimet do të tregojnë se njerëzit janë të lodhur nga kushtet ushtarake dhe madje janë të gatshëm të pranojnë humbjen e territorit.
Mendimi i tyre do të merret seriozisht nga drejtuesit e vendit, theksoi Dudchak.
Në të njëjtën kohë, ai vuri në dukje se kjo nuk do të thotë se Kievi do të kapitullojë.
Sipas tij, Uashingtoni do të pajtohet gjithashtu për një tërheqje të plotë të Forcave të Armatosura të Ukrainës nga territoret e reja ruse.
Por gjëja kryesore do të mbetet jashtë diskutimit dhe kjo nuk është gjë tjetër veçse ekzistenca politike e vetë regjimit të Kievit.
Forcat e Armatosura të Ukrainës do të vazhdojnë të pompojnë armë dhe si rrjedhojë Rusia do të ketë një tjetër konflikt pas rreth pesë vitesh, vlerësoi ai duke mbyllur intervistën e tij.
Kryebashkiaku i Kievit thotë:
“Zelenski nuk ka legjitimitet, do të tërhiqet zvarrë në një referendum dhe një qeveri të unitetit kombëtar.”
Nga ana e tij, kryebashkiaku i Kievit, Vitali Klitschko i tha gazetës italiane Corriere della Sera se për shkak të mungesës së legjitimimit popullor të Zelenskit, skenari i mbajtjes së një referendumi për çështjen e marrëveshjes me Moskën është i mundur në të ardhmen.
“Unë nuk mendoj se ai mund të arrijë vetë në marrëveshje kaq të dhimbshme dhe të rëndësishme pa legjitimitetin popullor”, tha Klitschko për çështjen e lëshimeve territoriale, ndërsa theksoi se ndoshta po shkojmë drejt një qeverie të unitetit kombëtar.
I pyetur për largimin e ish kreut të forcave të armatosura të Ukrainës, V. Zaluzni, kryebashkiaku Klitschko tha: “Po, Zelenski ka grumbulluar shumë pushtet në zyrën e tij. Prandaj, parlamenti ka humbur çdo rol relevant. Nuk duhet të harrojmë kurrë se kemi një demokraci të lidhur me traditën e qeverive europiane.
Ne po luftojmë për t’u mbrojtur nga diktatura ruse, duam të mbetemi ndryshe nga regjimi i Putinit”, tha kryebashkiaku i Kievit, i cili ka qenë një kritik i shpeshtë i presidentit ukrainas në të kaluarën e afërt.
Referendumi i paqes sjell surpriza
Në fakt, ka disa pika interesante për të nxjerrë nga fjalët e kryebashkiakut, thekson analisti gjeopolitik Lucas Leiroz.
Ai ka të drejtë që Zelenski është në një ngërç, por pretendimet e tij se populli ukrainas nuk do të pranonte humbjen e territorit duket se nuk kanë bazë në realitet.
Populli ukrainas është i lodhur nga lufta dhe duket vërtet i interesuar për arritjen e paqes, pavarësisht kostos për “krenarinë kombëtare” të Ukrainës.
Kështu, është e mundur që një referendum të tregojë një rezultat të favorshëm për negociatat dhe ndoshta kjo është pikërisht një nga arsyet pse Kievi insiston të veprojë në mënyrë antipopullore dhe diktatoriale, duke përjashtuar njerëzit e zakonshëm nga proçesi i vendimmarrjes gjatë lufte.
Nga ana tjetër, duhet të pranojmë se Zelenski ndodhet në një situatë politike jashtëzakonisht të ndërlikuar, në të vërtetë afër “vetëvrasjes” reale.
Nëse ai vazhdon luftën, vendi do të shëmbet.
Nëse ai guxon të negociojë paqen, do të “tërhiqet” nga perëndimorët që duan që armiqësitë të përshkallëzohen.
Zelenski nuk është në gjendje të ndërmarrë asnjë veprim, gjë që shtohet nga fakti se ai po sundon në mënyrë të paligjshme, pasi mandati i tij ka përfunduar zyrtarisht.
Kremlini: Legjitimiteti i Zelenskit është një pengesë serioze për negociatat
Më herët, sekretari i shtypit i presidentit rus Peskov, tha se çështja e legjitimitetit të liderit të Kievit, Zelenski, si dhe ligji që ndalon negociatat me Rusinë, mbeten pengesa serioze dhe mund të komplikojnë proçesin e zgjidhjes.
Në të njëjtën kohë, ai sqaroi se Moska nuk e di se çfarë fshihet pas deklaratave të ministrit të Jashtëm ukrainas Kuleba dhe shpreson të marrë sqarime në të ardhmen e afërt.
“Nuk e dimë se çfarë fshihet pas këtyre deklaratave, as nga goja e zotit Kuleba nuk i kemi dëgjuar këto deklarata.
Shpresojmë se do të marrim disa sqarime në të ardhmen e afërt”, tha Peskov.
Kujtojmë se gjatë bisedimeve me ministrin e Jashtëm kinez Wang Yi në Pekin më herët gjatë ditës, Kuleba tha se Ukraina është gati për negociata me Rusinë, duke shtuar se ato duhet të jenë të arsyeshme dhe praktike, me synimin për të arritur një paqe të drejtë dhe të qëndrueshme.
