Mendohej se ishte shkatërruar në një zjarr të vitit 1808.
Duket se arkeologët e Akademisë Austriake të Shkencave kanë arritur në zbulimin më të madh në histori, ata gjetën altarin e humbur në vendin ku besohet se u varros dhe u ringjall Jezu Krishti!
Zbulimi u bë kur punëtorët që kryenin disa punë në vend, kthyen një pllakë gjigante guri të mbuluar me mbishkrime që ishte mbështetur pas murit të Kishës së Varrit të Shenjtë në Jerusalem.
Guri, dy metra e gjysmë i gjatë dhe pesë metra i gjerë, ishte zbukuruar me dekore dhe fjongo, një praktikë romake gjatë Mesjetës dhe shenja të dallueshme që i bëjnë studiuesit të besojnë se ishte altari i shenjtëruar i vitit 1149.
Altari mendohej se ishte shkatërruar në një zjarr e vitit 1808. “Për historianët, ky zbulim është diçka vërtet e rëndësishme në shumë mënyra”, tha ekipi nga Akademia Austriake e Shkencave (OeAW) që bëri zbulimin.
“Së pari, fakti që tableta mundi të mbetej e fshehur për kaq gjatë, në një ndërtesë kaq të hulumtuar, siç është Kisha e Varrit të Shenjtë, veçanërisht pasi ishte përpara mijëra pelegrinëve dhe turistëve çdo ditë.”
Vendi i Kishës së Varrit të Shenjtë është identifikuar si vendi i Kryqëzimit dhe Varrit të Jezusit dhe pret afërsisht katër milionë vizitorë çdo vit.
Kisha, e cila tejkalon pothuajse 1,645 metra në diametër, u ndërtua në majë të një tempulli romak kushtuar perëndeshës Afërditë, në vitin 335 pas Krishtit.
Ndërtimi u porosit nga perandori romako-biznatin Konstandini I dhe gjatë konvertimit, u zbulua një varr që besohet të jetë ai i Jezuit, që vdiq dhe u ringjall gati 300 vjet më parë.
Kisha e Varrit të Shenjtë u sulmua gjatë shekujve, u shkatërrua nga ushtria persiane në vitin 614, pothuajse u shkatërrua në vitin 1009 dhe më pas u përfshi nga flakët gjatë viteve 1800, kur altari besohej se kishte humbur.
Dekorimet e pazakonta në anën e brendshme të murit i çuan studiuesit në të ashtuquajturën “Cosmatesque”, pasi mbishkrimet në pjesën e përparme nuk jepnin asnjë iluzion për atë që fshihej.
“Kjo teknikë e veçantë e prodhimit për dekorimin e mermerit u praktikua ekskluzivisht nga repartet në Romën papale, të cilët e kaluan këtë aftësi brez pas brezi” tha ekipi hulumtues.
Tradita e krishterë thotë se trupi i Krishtit u vendos në një pllakë të prerë nga një shpellë gëlqerore pas kryqëzimit të tij nga romakët.
Ai u ngrit tre ditë pas vdekjes së Tij, sipas Shkrimit, gratë që erdhën për të vajosur trupin e Tij thanë se nuk e gjetën trupin. Krishti ishte ringjallur.
