“Një luftë në shkallë të gjerë është e vetmja rrugë për një paqe të brishtë!”
Ky postim nuk është aspak i rastësishëm.
Pozicionet e Dmitri Medvedev për Lindjen e Mesme janë të dyshimta, ndërsa Moska paraqitet si mbështetëse e paqes në Lindjen e Mesme!
Ish presidenti i Rusisë dhe nënkryetari i Këshillit të Sigurimit rus tha se një luftë në shkallë të gjerë në Lindjen e Mesme është ndoshta mënyra e vetme për të arritur paqen e brishtë në rajon.
“Është e qartë për të gjithë se një luftë në shkallë të gjerë është e vetmja rrugë për një paqe të brishtë në rajon”, ka shkruar ai në X!
Siç komentojnë korrespondentët dhe ekspertët rusë, roli i Medvedev është nga njëra anë të zbulojë mendimet e fshehura të Kremlinit në lidhje me situatën dhe nga ana tjetër të shkaktojë frikë në Perëndim, se ekziston edhe kjo anë e Rusisë, e cila në çdo kohë mund të dominojë, dhe se gjërat kanë shkuar në pikën pa kthim!
Fjalët e zyrtarit rus kanë për qëllim pikërisht atë që thotë, çdo postim duket se është bërë në konsultim!
Perëndimorëve u kërkohet pas çdo ndërhyrjeje të tij të mendojnë se me cilën Rusi duan të bien dakord: Me anën e butë ruse të bashkëpunimit ekonomik, apo me atë të egër të bërthamës dhe butonave!
Roli i zëvendëspresidentit rus është shumë i dobishëm, i vlerësuar nga të gjithë në qeverinë ruse me gjithçka që ai përfshin!
Ndryshe, Moska është në pozicion pritjeje për ngjarjet mes Iranit dhe Izraelit, natyrisht duke nxituar të mbështesë mbrojtjen ajrore iraniane, siç përcjellin raportet e fundit!
