Përfshirja e Baku-së në sferën e ndikimit të Rusisë është fakt.
Azerbajxhani ka dorëzuar sot kërkesën zyrtare për anëtarësim në grupin BRICS, siç ka bërë të ditur përfaqësuesi i Ministrisë së Punëve të Jashtme të vendit, Aykan Khajizada.
Synimi i Baku-së për t’u bërë anëtar i BRICS u pasqyrua tashmë në një deklaratë të përbashkët të bashkëpunimit strategjik midis Azerbajxhanit dhe Kinës, e cila u nënshkrua në kuadrin e Samitit të Organizatës së Bashkëpunimit të Shangait (SCO) në Astana në fillim të korrikut.
Për më tepër, kryetarja e Parlamentit të Azerbajxhanit, Sahiba Gafarova, kishte deklaruar gjatë seancës së 10-të parlamentare të BRICS në Shën Petersburg, se vendi i saj dëshiron të bëhet anëtar i plotë i BRICS.
Në të njëjtën kohë, flukset e gazit natyror nga Azerbajxhani në Bashkimin Europian janë rritur në mënyrë të ndjeshme kohët e fundit.
BE-ja dhe naivët e Ballkanit janë natyrisht të interesuar vetëm të jenë në gjendje të kënaqen me gazin natyror “amerikan” të TAP-it, pavarësisht se realiteti këtu përgënjeshtron axhendën politike, pasi mbi 50% e gazit që kalon përmes gazsjellësit vjen nga Rusia!
Ky tubacion është një fitim i madh gjeopolitik për Azerbajxhanin, siç është Rrjedha Turke për Turqinë, por të dyja kanë një gjë të përbashkët: ato janë një kujtesë e vazhdueshme e dështimit të Greqisë për të marrë nën kontroll centralin energjetik të ofruar bujarisht nga Rusia.
Tani, BE-ja është pothuajse tërësisht e varur nga një vend anëtar i BRICS dhe gazi natyror rus.
