Ish presidenti amerikan bëri fjalimin e tij të parë publik, pas atentatit ndaj tij, në Pensilvani.
Kandidati republikan Donald Trump, në fjalimin e tij të parë të fushatës në një hapësirë të hapur që nga atentati kundër tij, e quajti Kamala Harris një “shoqe” për të treguar se ajo është një mbështetëse e komunizmit dhe tha se nëse zgjidhet president i Shteteve të Bashkuara, ajo do të shkaktojnë Luftën e Tretë Botërore.
Trump zgjodhi të mbajë një fjalim në shtetin kyç të Karolinës së Veriut dhe tha se zëvendëspresidentja demokrate i përket “së majtës radikale”, duke e bërë të qartë se miliona vende pune do të shkatërrohen “me një goditje”, nëse ajo fiton.
“Kursimet tuaja të jetës do të avullojnë”, tha ai, nëse përfundimisht ajo fiton.
“Në gjithë botën, kundërshtarët tanë e dinin se nuk mund ta merrnin Amerikën si të mirëqenë kur unë isha kreu i forcave të armatosura”, vazhdoi Trump.
Por “nëse shoqja Kamala fiton në nëntor, është praktikisht e sigurtë se Lufta e Tretë Botërore do të ndodhë”, shtoi ai.
Agjencia e sigurisë së tij, rekomandoi pas atentatit, që republikani të shmangte fjalimet në publik. Që atëherë, Trump ka mbajtur rreth 10 fjalime me dyer të mbyllura.
Maniati republikan po bën paraqitje të njëpasnjëshme në shtetet kryesore këtë javë dhe pritet gjithashtu të marrë mbështetjen e kandidatit të pavarur dhe ish operativit demokrat Robert F. Kennedy Jr.
Ai dihet se ka pikëpamje të ngjashme me Trump dhe tërheq votues nga i njëjti elektorat. Sipas sondazheve, Kennedy merr 5-6% të elektoratit.
Mbështetja e tij eventuale për Donald Trump do t’i jepte ish presidentit amerikan një epërsi shumë të rëndësishme dhe pothuajse do t’i siguronte fitoren në zgjedhjet presidenciale kundër Kamala Harris.
Të dy synojnë dhe janë duke e bërë, duke portretizuar pra demokratët si komunistë tani më, si komunistë të rrezikshëm dhe veçanërisht Kamala Harris si një të majtë radikale.
