“Kemi gjetur objektet e nisjes”, thonë amerikanët.
Studiuesit amerikanë kanë identifikuar vendin e mundshëm të lëshimit të raketës 9M730 Burevestnik, raketa e re e Rusisë me energji bërthamore, që premton rreze pothuajse të pakufizuar dhe aftësi për t’iu shmangur sistemeve të mbrojtjes ajrore.
Studiuesit analizuan imazhet satelitore të Planet Labs të marra më 26 korrik dhe identifikuan një vend të mundshëm vendosjeje pranë objektit të ruajtjes së kokave bërthamore Vologda-20, 475 kilometra në veri të Moskës.
Imazhet treguan nëntë platforma lëshimi horizontale, të ndara në tre grupe, të mbrojtura nga argjinatura të larta për të kufizuar rrezikun e shpërthimeve në zinxhir, në rast të një dështimi.
Kjo analizë është bërë nga Decker Eveleth, një studiues i CNA, i cili arriti në përfundimin se “objekti është menduar për një sistem të madh, të qëndrueshëm të lëshimit të raketave, siç kërkohet për një sistem si Burevestnik”.
Informacioni i ri konfirmon se Rusia po avancon me shpejtësi zhvillimin operacional të kësaj arme.
Një nga shqetësimet kryesore është nëse Burevestnik mund të arrijë realisht gamën e premtuar pa shkaktuar një rrjedhje radioaktive mbi tokën ruse.
Nëse Rusia arrin të zhvillojë Burevestnik, ajo do të ketë një armë me rreze të pakufizuar, e aftë për të goditur objektivat anembanë globit.
Deri më tani, gjithçka tregon se arma do të vendoset në platformat e nisjes detare dhe ajrore, ndërsa çdo grup i vendosur brenda kontinentit rus do të përdorë shtytje konvencionale raketore derisa të largohen nga territori rus.
