“Do t’i dëboj të gjithë emigrantët e paligjshëm!”
Politikat e tij do të fokusohen në emigracionin, sigurinë dhe shpenzimet qeveritare.
Ish kampioni i UFC-së, Conor McGregor, ka bërë bujë me deklaratat në të cilat ka lënë të kuptohet se do të kandidojë për presidencën e Irlandës në vitin 2025.
McGregor, përveç karrierës së tij sportive, shpesh shpreh edhe qëndrimet e tij politike.
Ndër prioritetet e tij, nëse zgjidhet, do të ishte krijimi i një ekipi verifikimi për çdo emigrant që vjen në vend, dëbimi masiv i menjëhershëm i emigrantëve të paligjshëm dhe kriminelëve dhe fundi i shpërdorimeve të qeverisë.
Ai ka theksuar se filozofia e tij politike ka në fokus sigurinë dhe transparencën.
