Hezbollah godet Haifën dhe Tel Avivin.
Netanyahu për civilët: “Largohuni nga Libani jugor tani”!
Sulmet izraelite në Bejrut.
Hezbollahu iu përgjigj sulmeve të djeshme izraelite në Libanin jugor me një breshëri raketash të hedhura në Haifa të Tel Avivit dhe objektiva të tjera, duke vrarë të paktën 274 njerëz, 21 prej të cilëve ishin fëmijë, sipas ministrisë së shëndetësisë të Libanit. 1,024 persona të tjerë janë lënduar në sulme, shtoi ministria libaneze.
Hezbollahu u përgjigj me sulme në lindje të Tel Avivit. Siç raportohet, zonat e Galilesë, bazat e ushtrisë izraelite në Bregun Perëndimor, Haifa dhe pozicionet izraelite në lartësitë e Golanit u goditën.
Kryeministri izraelit Benjamin Netaniahu tha në një fjalim televiziv drejtuar banorëve të Libanit jugor se Izraeli nuk i ka në shënjestër ata, por Hezbollahun, i cili përdor shtëpitë e tyre për të ruajtur raketa, raketa që synojnë Izraelin.
“Largohuni nga zona e rrezikut tani”, tha Netaniahu, duke shtuar: “Kthehuni më vonë, por ju bëj thirrje që të largoheni tani”.
Si rezultat i paralajmërimeve të Netaniahut, mijëra banorë të Libanit jugor filluan të largoheshin masivisht drejt veriut të vendit.
“Mijëra njerëz po largohen nga Libani jugor”, tha ministri libanez që koordinon përgjigjen ndaj krizës, Nasser Yassin.
Herët këtë mbrëmje, Izraeli kreu një sulm me UAV në periferitë jugore të kryeqytetit libanez që kishte në shënjestër liderin e lartë të Hezbollahut, Ali Karaki, kreun e komandës jugore të grupit libanez, tha një burim sigurie për Reuters.
Nuk dihet gjendja e Karakit. Një burim i afërt me Hezbollahun tha se sulmi u krye nga një dron izraelit.
Disa minuta më parë, agjencia shtetërore e lajmeve libaneze (ANI) raportoi se Izraeli nisi një valë të re sulmesh ajrore në Libanin lindor këtë pasdite, pas një dite bombardimesh intensive që kanë vrarë më shumë se 274 njerëz, janë plagosur më shumë se 1,000, ndaj mijëra familje po zhvendosen dhe ka sulmi shkaktuar panik tek banorët.
Ushtria izraelite godet një tjetër depo municioni të Hezbollahut në Sidon.
Shefi i Shtabit të IDF-së, gjenera Herchi Halevi tha se ushtria po çmonton të gjithë infrastrukturën e Hezbollahut që kishte ndërtuar mbi 20 vite.
“IDF nisi këtë mëngjes një operacion parandalues ofensiv.
Ne po heqim infrastrukturën ushtarake që Hezbollahu ka ndërtuar për 20 vite. Kjo është shumë e rëndësishme”, tha Halevi në një video të shpërndarë nga IDF.
“Po godasim periferitë, po përgatitim fazat e ardhshme… në fund gjithçka duhet të synohet në krijimin e kushteve që veriorët e zhvendosur të kthehen në shtëpitë e tyre”, shtoi ai.
IDF: 50% e stokut të raketave të Hezbollahut është shkatërruar, nga sulmet e dy ditëve të fundit.
