“Kushdo që dëshiron të hyjë në vendin tonë duhet të presë lejen përkatëse, jashtë kufijve tanë”, tha Kryeministri hungarez Viktor Orbán, duke iu referua menaxhimit të emigracionit, në fjalën e tij, në një festë të Ligës në Italinë e veriut.
“Nëse emigracioni i parregullt vazhdon në Europë, nga Budapesti do t’i çojmë emigrantët në Bruksel dhe do t’i lëmë para zyrave të ndryshme”, tha Orban.
“Në Hungari numri i emigrantëve është zero, nuk e lëmë vendin tonë në duart e të tjerëve. Kushdo që dëshiron të hyjë në vendin tonë duhet të presë lejen përkatëse, jashtë kufijve tanë”, shtoi ai, nën duartrokitjet e tifozëve të Ligës.
Së fundmi, Viktor Orbán theksoi se “në Hungari nëna është grua dhe babai është burrë dhe kjo nuk do të ndryshojë, pavarësisht qëndrimit të kundërt të së majtës ndërkombëtare”.
