Sabat – Sulm i Hezbollah – Goditet Banesa Pranë Detit e Kryeministrit Izraelit Benjamin Netaniahu!

Droni i Hezbollah depërtoi edhe një herë në mbrojtjen ajrore izraelite.

Sirenat u vonuan në lajmërimin e lagjes për rrezikun që po vinte.

Hezbollah nisi një sulm të ri me dronë herët në mëngjes në Izrael, duke synuar një bazë izraelite dhe shtëpinë e kryeministrit izraelit Benjamin Netaniahu, të cilën e goditi, por jo me saktësi.

Një dron u qëllua në rezidencën e Benjamin Netaniahu në qytetin verior të Izraelit të Cezarisë sot, tha zëdhënësi i tij, duke shtuar se kryeministri dhe gruaja e tij nuk ishin në banesë, e cilë nuk u godit dhe droni ra në oborrin e vilës.

Njoftimi nuk sqaron nëse është goditur shtëpia e kryeministrit izraelit, por është goditur padyshim një ndërtesë, ose vetë rezidenca e kryeministrit ose një godinë ngjitur.

Burime të shumta raportojnë se rezidenca e Benjamin Netaniahut është goditur.

Droni depërtoi në mbrojtjen ajrore izraelite dhe u rrëzua në një ndërtesë në Cezari, midis Tel Avivit dhe Haifës.

Pikëpyetje të reja, lidhur me mburojën antiraketë të Izraelit, lindin pas sulmit të fundit të Hezbollah.

Mbrojtja ajrore e Izraelit ka qenë gjithmonë shumë efektive. Ndoshta ka probleme tani më pas një viti lufte dhe me breshërinë e raketave që lëshojnë kundërshtarët.

Objektivi i dronëve ishte edhe baza në Glilot, e cila është selia e shërbimit inteligjent të Izraelit.

Siç raportohet nga “The Times of Israel”, sirenat paralajmëruese nuk janë aktivizuar në Cezari, ku banon Benjamin Netaniahu.

Në të njëjtën kohë, lideri suprem i Iranit, Ali Khamenei deklaroi se “vdekja e Jahja Sinuar nuk do ta ndalë ‘Boshtin e Rezistencës’ dhe se Hamasi do të vazhdojë të ekzistojë”.