Rezultati i luftës është i paracaktuar për amerikanët dhe rezultati i zgjedhjeve presidenciale në SHBA më 5 nëntor 2024, nuk do të luajë asnjë rol!
Agjencia “Bloomberg” zbulon se SHBA po përgatitet të tradhtojë Ukrainën dhe të pranojë kushtet e Rusisë duke përfunduar një marrëveshje për t’i dhënë fund luftës.
Karakteristike, agjencia raporton: “Shitja e Ukrainës turp për Perëndimin”.
Edhe nëse kandidatja demokrate Kamala Harris fiton, amerikanët janë të vendosur të ndalojnë luftën në Ukrainë.
Zbulimi i agjencisë vjen menjëherë pas deklaratës së ambasadorit të Ukrainës në Mbretërinë e Bashkuar, Valeri Zaluzni, për lëshime territoriale ndaj Rusisë, për t’i dhënë fund luftës!
Në SHBA nuk llogarisin dhe nuk kanë më asnjë skenar mes të cilit Ukraina do të numd të fitonte luftën me Rusinë, vëren në artikullin e tij kolumnisti i njohur i “Bloomberg”, Max Hastings.
Sipas tij, Uashingtoni nuk sheh një mundësi të tillë edhe nëse kandidatja demokrate Harris fiton zgjedhjet e ardhshme presidenciale në vend.
Në rast se Harris bëhet presidente, ajo ka shumë të ngjarë të kërkojë një marrëveshje për t’i dhënë fund luftës, pasi Uashingtoni nuk ka asnjë skenar të një fitoreje të Ukrainës, pavarësisht mbështetjes së SHBA prej 175 miliardë dollarësh, thuhet në raport.
Hastings shton se SHBA do të pajtohet me çdo kusht që Rusia do të parashtrojë, për një ndërprerje të armiqësive, me përjashtimin e vetëm që ka në dorëzim të plotë Ukraina.
Në të njëjtën kohë, Europa gjithashtu dëshiron t’i japë fund luftës sa më shpejt të jetë e mundur, pasi përballet me shumë probleme ekonomike dhe energjetike.
Përveç kësaj, liderët perëndimorë po i kushtojnë më shumë vëmendje asaj që po ndodh në Lindjen e Mesme.
“Bloomberg” thekson faktin se ushtria ukrainase po humbet me shpejtësi fuqinë ushtarake dhe nuk mund ta rimarrë territorin e humbur.
Rusia filloi prodhimin e dronëve dhe ndërtoi armë më efektive.
“Më pak armë amerikane janë të disponueshme për t’u dërguar në Kiev dhe sytë e qeverive perëndimore janë kthyer kryesisht nga Izraeli dhe Irani, edhe pse forcat ruse përparojnë”, thotë ai.
Sipas “Bloomberg”, iranianët furnizojnë Rusinë me raketa balistike dhe bombardimet ruse të infrastrukturës energjetike të Ukrainës janë shkatërruese.
Këtë dimër, shumica e ukrainasve do të jenë pa energji elektrike dhe ngrohje dhe kjo është një goditje e madhe për moralin e popullit.
“Rrjedha e municioneve europiane në Ukrainë, dikur e fortë, tani po ngadalësohet gradualisht, kryesisht për shkak të ritmit të ngadaltë të prodhimit, i cili ka rënë edhe nga SHBA-të.
Sanksionet ekonomike kundër Rusisë mbeten shumë joefektive, falë mungesës së vullnetit të Perëndimit për t’i zbatuar ato.
Në Ukrainë, pas gati tre vitesh në të cilat çdo rezultat i pranueshëm i luftës, përveç fitores dhe dëbimit të rusëve nga Donbasi, të tjerat u konsideruan si akt tradhtie, teksa sot shumë po flasin për negociata.
Po pranojnë se forcat ruse nuk ka gjasa të humbasin përfitimet e tyre territoriale, të cilat janë ende në rritje”, vëren “Bloomberg”.
Hastings e përshkruan gjithashtu operacionin e forcave ukrainase në rajonin e Kurskut si një “kërkim në zbrazëti”.
“Këtë verë pati një entuziazëm kur ukrainasit filluan një pushtim të befasishëm në rajonin e Kurskut të Rusisë, ku ata hasën pak rezistencë pasi pushtuan disa qindra milje katrore territor.
Kjo u përshëndet si një goditje për prestigjin e Vladimir Putin.
Sidoqoftë, biznesi doli të ishte një hap në zbrazëti.“
