Fenomeni i tmerrshëm natyror shkaktoi fatkeqësi të njëpasnjëshme “biblike”.
Zbulimet e reja të arkeologëve vijnë për të shkatërruar atë që dinim deri tani për tërmetin më vdekjeprurës dhe më të fuqishëm në historinë e njerëzimit.
Deri më tani, vendin e parë e mbante tërmeti Valdivia i vitit 1960, i cili goditi Kilin jugor me një magnitudë midis 9.4 dhe 9.6, duke vrarë deri në 6,000 njerëz dhe duke dërguar një cunami në Oqeanin Paqësor.
Megjithatë, sipas hulumtimeve relativisht të fundit, tërmeti më i fuqishëm që ka ndodhur ndonjëherë është shënuar në atë që tani është Kili verior dhe kishte një intensitet prej 9.5 të shkallës Rihter.
Ky fenomen, i cili ndodhi 3,800 vjet më parë, rezultoi në një cunami 8,000 kilometra të gjatë, i cili i largoi njerëzit nga brigjet e afërta për të paktën 1,000 vite.
Në fakt, studiuesit argumentojnë se ndikimi sizmik ishte aq i fortë sa cunami që u krijua “udhëtoi” deri në Zelandën e Re.
“Mendohej se nuk mund të kishte një ngjarje të kësaj përmase në pjesën veriore të vendit, thjesht sepse nuk kishte një çarje gjeologjike me gjatësi të mjaftueshme për një tërmet të tillë”, tha autori i studimit shkencor dhe një gjeolog në Universitetin e Southampton në Angli, James Gough.
