Në thelb, ra nën kontrollin e islamistëve qyteti i dytë më i populluar i Sirisë, pas operacionit 72-orësh.
As sirianët dhe as rusët nuk i ndaluan dot.
Sipas informacioneve të para nga mediat arabe, terroristët islamikë sulmuan rezidencën presidenciale të Bashar Al-Assad në Aleppo.
Fillimisht u bë e ditur se personat e armatosur kishin sulmuar Pallatin Presidencial në Damask, por ky ishte një dezinformim, pasi në të njëjtën kohë Presidenti sirian po takohej me ministrin e Jashtëm iranian në Damask.
Ky veprim vjen pas veprimeve të njëpasnjëshme të organizatave terroriste islamike dhe kryesisht Hajat Tahrir al-Sham, në pjesë kyçe të qytetit sirian.
Sipas informacioneve, të shtëna armësh janë dëgjuar pranë pallatit presidencial dhe selisë së Shtabit të Përgjithshëm të Ushtrisë Siriane, ndërsa raportohet për një tentativë të mundshme grusht shteti.
Në të njëjtën kohë pati një pauzë në transmetimin e televizionit shtetëror, duke shtuar spekulimet për një tentativë të mundshme grusht shteti kundër qeverisë së Bashar al-Assad.
Shikoni videon përkatëse:
