Kisha e Goteborgut ka marrë detyrën që i është caktuar nga Shërbimi Kombëtar i Urgjencës sipas Nordic Times.
Mediat suedeze kanë bërë një zbulim, pasi pretendojnë se vendi skandinav po fillon krijimin e 30 mijë varreve në qytetin e Goteborgut, pas një urdhri të dhënë nga Shërbimi Kombëtar i Emergjencave në rast lufte me Rusinë.
Në fakt, Nordic Times raporton se detyrën e krijimit të mijëra varreve e ka marrë përsipër kisha lokale, pas komunikimit me MSB-në, sepse rasti i humbjes totale të Suedisë në rast konflikti me Rusinë është një skenar mëse real.
“Ne duhet të jemi gati për të varrosur ushtarët e rënë.
Kjo është diçka e re për ne dhe ne duhet të fillojmë të përgatitemi tani”, tha Katarina Evenseth, kreu i varrezave në Kishën Luterane të Suedisë, e cila menaxhon shumicën e varrezave në komunën e Goteborgut.
Përveç kësaj, Shërbimi Kombëtar i Emergjencave (MSB) i kërkoi qytetit të përgatiste dhjetë hektarë tokë ku mund të varrosej ekuivalenti i 5% të popullsisë në një periudhë të shkurtër kohore.
“E veçanta e varreve të luftës është se trupat e ushtarëve të rënë duhet të jenë në gjendje të transportohen në vendet e tyre të origjinës ose në qytetet e tyre kur situata të jetë përsëri e qetë”, përfundoi Evenseth, në një intervistë me radion publike suedeze Sveriges Radio.
