“Unë jam një njeri që rrezikoj, riskoj, por në një mënyrë të përllogaritur”, tha Stefan Mandel.
Stefan Mandel me origjinë nga Rumania dhe Australia arriti të fitojë lotarinë jo një herë por… 14 herë!
Me një shans një në… 300 milionë për të fituar xhakpot, ai nuk ia la rastësisë dhe nuk i zgjidhte numrat rastësisht si ne të tjerët, por kishte një plan.
Ai përdori aftësitë e tij matematikore për të gjetur kombinimin e numrave që do t’i jepte atij shansin më të mirë për të fituar.
Duke kërkuar ndihmën e një grupi investitorësh dhe një sindikate të quajtur International Lotto Fund, Mandel më pas synoi llotaritë në SHBA, Rumani dhe Australi.
Me metodën e tij, ai arriti të fitonte një xhakpot 27 milionë dollarë, si dhe 900,000 dollarë në xhakpote të tjera, duke gjetur më pak numra të saktë.
Por ndërsa plani nuk ishte teknikisht i paligjshëm, ai ngriti shumë dyshime dhe Mandel dhe ILF u hetuan nga CIA dhe FBI.
Të dy u liruan përfundimisht nga çdo keqbërje.
Si luante!
Si e bëri saktësisht? Mandel tha se është “thjesht matematikë”.
Ai e quajti algoritmin e tij për zgjedhjen e numrave “kondensim i kombinuar”.
Kjo bazohej në çmimin e blerjes së mjaftueshëm biletave të lotarisë për të luajtur çdo kombinim të mundshëm, që ishte më pak se çmimi i xhakpotit.
Përfundimisht, SHBA vendosi ligje që ndalonin lojtarët të blinin bileta llotarie… me shumicë, si dhe përdorimin e biletave të lotarisë të krijuara nga kompjuteri, në mënyrë që askush të mos mund ta përsëriste këtë metodë.
Pas një fitoreje tjetër të madhe, Mandel hyri në një betejë të gjatë ligjore dhe ndërsa u shpall i pafajshëm, ai humbi mjaft para për të gjetur të drejtën.
Manderl bëri kërkesë për falimentim në vitin 1995 dhe kaloi dekadën e ardhshme duke “drejtuar” skema të ndryshme investimi.
Sot, Mandel e kalon kohën e tij në plazh në ishullin Vanuatu, pasi deklaroi tërheqjen e tij nga ndjekja e lotarisë.
“Unë jam një njeri i riskut, por në një mënyrë të përllogaritur”, i tha ai gazetës rumune Bursa në vitin 2012.
