Ai denoncon kryeministrin britanik Starmer për mbulimin e përdhunimit të të miturve, mbështet Melonin, ndërhyn në emër të AfD, po aplikon praktikat e demokratëve dhe përfshitjen në punët e brendshme të shteteve të tjerë.
Një herë e një kohë, ndërhyrjet në punët e brendshme të vendeve të treta bëheshin në mënyrë diskrete. Tani po bëhen troç, hapur.
Elon Musk tashmë po ndërmerr hapa, disa javë para se të marrë detyrën e Ministrit të Efiçencës për të cilën e ka emëruar presidenti i sapozgjedhur Donald Trump. Pas komenteve të tij të para në favor të Partisë Alternativa për Gjermaninë (AfD), Musk sulmoi kryeministrin britanik Keir Starmer. Pasi foli në favor të Nigel Farage dhe akuzoi kryeministrin laburist Keir Starmer për drejtimin e një “shteti tiranik policor”, ai tani e akuzon atë për fshehje të krimeve në rolin e tij të mëparshëm si prokuror lidhur me emigrantët dhe konkretisht përdhunimin e të miturve.
Starmer akuzohet për sjelljen që tregoi si prokuror në një skandal me një bandë të miturish të përdhunuar në lagjen Oldham. Tani Qeveria e Lanuristëve ka vendosur të mos vazhdojë me hetimin e çështjes. Ndaj këtij qëndrimi po reagon edhe Partia Konservatore, por Musk vazhdoi duke akuzuar drejtpërdrejt ministrin e Brendshëm Jess Phillips, që ka refuzuar të hetojë rastet e mbulimit të veprimtarisë së bandave të emigrantëve grabitqarë, sepse kjo do ta kthente në periudhën në të cilën Kryeministri ishte kreu i Shërbimit të Prokurorisë Publike për Anglinë dhe Uellsin mes viteve 2008-2013.
Musk bëri madje një postim në të cilin përmend se “Kryeministri i Britanisë lejoi bandat e përdhunuesve të shfrytëzonin vajzat e mitura pa u përballur me drejtësinë, kur ai ishte kryeprokurori”. Më tej, ai përsëriti atë që tashmë diskutohet gjerësisht në Britani, përkatësisht se vendi duhet të vazhdojë urgjentisht me mbajtjen e zgjedhjeve të reja.
Ky qëndrim, si dhe mbështetja e hapur për AfD-në në Gjermani, shkaktuan reagime nga forcat sistematike të Europës, të cilat megjithatë anashkalojnë përpjekjet e tyre për të ndërhyrë në zgjedhjet e vendeve të treta, më tipike është anulimi i zgjedhjeve presidenciale në Rumani, ku rezultati për ta ishte jo i duhuri, si dhe përpjekja për të rrëzuar kryeministrin hungarez Viktor Orbán, por edhe përpjekja e furishme për të imponuar përfundimisht vendosjen e Donald Tusk në Poloni. Oksimoron është fakti që ata akuzuan Orbanin për shkelje të parimeve “të shtetit të së drejtës”, në momentin kur përfaqësuesi i tyre i zgjedhur në Poloni e shkatërroi hapur atë, duke shkaktuar bastisje të policisë në ndërtesën e Parlamentit, për të arrestuar kundërshtarët e tij politikë.
Përkundrazi, marrëdhëniet e Elon Musk me kryeministrin Giorgia Meloni janë veçanërisht harmonike, gjë që do të sjellë investime të konsiderueshme nga kompanitë amerikane në Itali.
Meloni është “autentike, e sinqertë, e hapur dhe nuk mund të thuhet kjo për të gjithë politikanët”, kishte thënë Musk muaj më parë, ndërsa Meloni në një intervistë të fundit për gazetën italiane “Corriere della Sera” theksoi se Musk është një “gjeni”, gjë që përshkruhet nga veprimtaria e tij sipërmarrëse dhe inovative. Dhe ajo vazhdoi: “Musk është një personalitet i madh i kohës sonë, një novator i shkëlqyer, i cili gjithmonë i ka sytë nga e ardhmja. E konsideroj të natyrshme të kem mundësi të bisedoj me të. Sigurisht që ka gjëra ku pikëpamjet tona janë më të afërta dhe ku të tjera ku ndryshojnë, por kjo nuk e pengon bashkëpunimin”. Musk dhe Meloni kanë diskutuar perspektivat e mundësive të investimit në fushat e Inteligjencës Artificiale dhe hapësirës.
