Të paktën 5 të vdekur nga zjarret në Los Anxhelos, mbi 100,000 janë urdhëruar të evakuohen.
Më shumë se 1.5 milionë shtëpi dhe biznese pa energji.
Mbi 1000 ndërtesa të djegura, mijëra hektarë janë bërë hi.
Numri i të vdekurve nga zjarri i Eaton në Los Anxhelos është rritur në pesë, sipas NBC News, duke cituar sherifin e kontesë së Los Anxhelosit, Robert Luna. Më herët gjatë ditës së sotme, numri i të vdekurve ka shkuar në dy.
Zjarri ndodhet në verilindje të qendrës së Los Anxhelosit, mbi qytetin e Pasadena. Ka djegur mbi 16,000 hektarë që kur filloi dje dhe është 0% i kontrolluar, sipas Cal Fire.
Më shumë se 100,000 njerëz janë urdhëruar tani që të evakuojnë zonën më të madhe të Los Anxhelos, ndërsa tre zjarre të tjera të mëdha po djegin, duke përfshirë një në luksozen Palisades.
Pavarësisht mobilizimit të madh nga i gjithë shteti i Kalifornisë, frontet ende po digjen plotësisht jashtë kontrollit, për shkak të erërave shumë të forta. Nuk ka personel të mjaftueshëm, si dhe ujë, për të shuar zjarrin, raportojnë mediat amerikane.
Autoritetet madje u bëjnë thirrje banorëve në të gjithë rajonin që të kursejnë ujin në mënyrë që të ketë mjaftueshëm për zjarrfikësit. Kërkesa ishte aq e madhe sa tre tanke ishin bosh të mërkurën në mëngjes, duke shkaktuar tharjen e disa hidrantëve të zjarrit.
Ndërkohë, Guvernatori i shtetit Gavin Newsom shpalli gjendjen e jashtëzakonshme.
Pamja tani (02:43)!
Ka dy fronte kryesore që shqetësojnë autoritetet, por ka edhe më të vogla që janë po aq të rrezikshme.
Në Eaton, në veri të Pasadenës, mbi 40,000 hektarë janë djegur. Mbi 100 ndërtesa janë shkatërruar, sipas vlerësimeve të fundit.
Të paktën 32,500 banorë ishin nën urdhër evakuimi.
Zjarri Palisades, në perëndim të Los Anxhelos, ka djegur 47,000 hektarë dhe ka shkatërruar më shumë se 1,000 ndërtesa. Në këtë zonë, rreth 37,000 banorë janë nën urdhër evakuimi.
Zjarri i tretë, Hearst Fire, në luginën e San Fernando, po i afrohet 2,000 hektarëve, ndërsa më shumë se 3,000 banorë janë urdhëruar të evakuojnë zonën.
Më shumë se 1.5 milionë shtëpi, biznese dhe klientë të tjerë pa energji që nga pasditja e së mërkurës, sipas PowerOutage.us. Pothuajse të gjithë ishin në Kaliforninë Jugore.
Së fundmi, zjarret po shkaktojnë edhe polemika politike.
Presidenti në largim Joe Biden paralajmëroi se rimëkëmbja “do të marrë kohë”, ndërsa Presidenti i zgjedhur Donald Trump gjeti një çështje tjetër për të trajtuar: ai fajësoi Newsom dhe politikat e tij mjedisore të dështuara për t’iu përgjigjur zjarreve në kohën e duhur.
Malibu’s iconic sand castles are crumbling… one at a time. This has been a numbing and terrifying 14 hours in California history. pic.twitter.com/JmHym7tyQK
— Jonathan Vigliotti ???? (@JonVigliotti) January 8, 2025
Pray for California and everyone affected by the Palisades fires.
— Brian Krassenstein (@krassenstein) January 8, 2025
Please stop politicizing this tragedy without understanding the facts. Fires in this area are rare and occurred unexpectedly—let’s focus on supporting those in need, not misinformation.pic.twitter.com/2cUqLVnxSi
Total destruction in Malibu. These were beachfront homes on Pacific Coast Highway. #palisadesfire pic.twitter.com/DhQnJMmoUW
— Liz Kreutz (@LizKreutzNews) January 8, 2025
Një faktor i rrezikshëm që nxit zjarret në Kaliforninë Jugore janë erërat e Santa Ana që fryjnë shpesh nëpër shtet.
Këto janë erëra që zbresin nga malet drejt detit. Për shkak se modelet janë të parregullta dhe drejtimet e tyre janë të paparashikueshme, ato quhen “erërat diablo”.
Shpërthimet e erës janë zakonisht rreth 80-100 km/h, por lokalisht arrijnë edhe 160 km/h.
Lajmi i mirë është se erërat do të fillojnë të dobësohen lehtë gjatë pasdites të së mërkurës (mëngjes të së enjtes në Shqipëri).
Shikoni videot dhe fotot:
A friend in LA just took this video pic.twitter.com/WJBWCHmCUs
— Elon Musk (@elonmusk) January 8, 2025
Beteja me kompanitë e sigurimeve
Përtej kësaj, ankesat e bëra ndaj kompanive të sigurimeve tregojnë se, edhe kur zjarret të shuhen, rruga drejt rikuperimit do të jetë e vështirë me një përfundim të pasigurtë, në mos jo ekzistent, për të prekurit nga zjarret.
State Farm, një nga kompanitë më të mëdha të sigurimeve në Kaliforni, verën e kaluar anuloi qindra politika të pronarëve të shtëpive në Pacific Palisades, zona që aktualisht po goditet nga një zjarr shkatërrues.
Kompania e justifikoi lëvizjen si një përpjekje për të shmangur “dështimin financiar”, raporton Newsweek, pasi frekuenca dhe ashpërsia e zjarreve në Kaliforni rritet, veçanërisht në zonat me rrezik të lartë. Por ndërsa zjarret që digjen sot në të gjithë Kaliforninë kërcënojnë të bëjnë kërdi mbi banorët, shumë prej të cilëve do të duhet të mbështeten në kompanitë e tyre të sigurimit, për t’u rimëkëmbur.
Për më tepër, disa sigururacione privatë kanë shkurtuar mbulimin në zonat me rrezik të lartë në të gjithë Kaliforninë gjatë tre viteve të fundit, duke i lënë pronarët e shtëpive të përpiqen të gjejnë opsione mbulimi. Si rezultat, plani FAIR i Kalifornisë, i cili është siguruesi i fundit i shtetit, më shumë se dyfishoi politikat e tij në periudhën 2020 – 2024.
