Gati 600 persona humbën jetën!
Në vitin 1981 në shtetin indian të Biharit, një inxhinier treni frenoi për të mos goditur një lopë, duke rezultuar ky aksident në gati 600 njerëz të humbur.
Por le të jemi të qartë: Inxhinieri i trenit nuk kishte shumë kohë për të menduar, kur pa diçka që kalonte shinat para tij, në atë ditë të vitit 1981. Ai mund të mos e kishte kuptuar as që ishte lopë dhe thjesht reagoi instinktivisht për të shmangur diçka.
Në fakt, ne as nuk e dimë me siguri 100% që katastrofa e trenit në Bihar ndodhi siç e përshkruam më lart. Disa burime, e përshkruajnë elementin e lopës si të dyshimtë dhe burime të tilla si India Today e përshkruajnë atë si të vogël në krahasim me humbjet në numër njerëzish. Fatkeqësia e trenit në Bihar ishte një ngjarje tragjike pavarësisht sesi ndodhi.
Shumë njerëz në mbarë botën mund të mohojnë shkakun e qartë të katastrofës së trenit në Bihar dhe të thonë: “Pse nuk e goditi lopën?” Lopët nuk janë saktësisht kafshë të vogla, secila peshon mesatarisht 540 deri në 680 kilogramë.
Në kushtet më të mira të motit, goditja e një lope mund të nxjerrë nga shinat një tren, si ai që ndodhi në Kent, Angli në vitin 2015. Megjithatë, ky tren eci shumë më mirë se treni i vitit 1981 në Bihar, Indi. Nuk pati absolutisht të lënduar.
Fatkeqësia në fjalë ndodhi në kushtet më të këqija të mundshme të motit, në mes të sezonit të musoneve. Përmbytjet janë të shfrenuara atje në këtë kohë të vitit dhe në kohën e përplasjes së vitit 1981, nivelet e ujit në lumin Bagmati pranë shinave ishin shumë më të larta se normalja. Në fakt, fatkeqësia e trenit në Bihar ishte vetëm një nga 526 rastet e daljeve të trenave nga shinat në Indi, vetëm brenda nëntë muave, në vitin 1981.
Me fjalë të tjera, shoferi nuk kishte zgjidhje tjetër veçse të frenonte, pavarësisht se cila kafshë po kalonte shinat. Binarët ishin tepër të rrëshqitshëm, shtatë nga nëntë vagonët e trenit humbën kontaktin me shinat dhe treni pothuajse u zhyt në lumin Bagmati.
Ndërsa vlerësohet se më shumë se 500, pothuajse 600 njerëz vdiqën, vetëm 286 trupa u gjetën. Ishte aksidenti më shkatërrues i një treni në historinë e botës.
Siç raportoi për herë të parë India Today në vitin 1981, pati një protestë publike për daljen nga shinat të trenit në Bihar. Zyrtarët qeveritarë drejtuan gishtin aty apo këtu, edhe pse qarkullonin “teori të ndryshme” për incidentin.
Ministri i Hekurudhave Kedar Nath Pande ngriti duart dhe e quajti incidentin një “tragjedi të dërguar nga Zoti”. Një “stuhi ciklonike e papritur” ishte fajtori dhe historia e lopës doli vetëm nga goja e disa të mbijetuarve.
Disa madje fajësuan pasagjerët e trenit, duke lënë të kuptohet se treni ishte i çekuilibruar në momentin e aksidentit, sepse pasagjerët kishin tërhequr të gjitha blindat për t’u mbrojtur nga stuhia.
Edhe pse më shumë se 500 vdekje u raportuan si pasojë e aksidentit të trenit, disa vlerësime në atë kohë arritën në 800 dhe madje 2000. Të vdekurit u nxorrën nga lumi Bagmati dhe u vendosën në bregun e lumit.
Vinçat tërhoqën vagonët e trenit ndërsa zhytësit hynin brenda dhe anëtarët e familjeve qëndronin pranë dhe shikonin. Tre ditë pas operacioneve të shpëtimit, trupat dekompozoheshin në pamundësi identifikimi.
Fatkeqësi të ngjashme vazhduan edhe në vitet në vijim. India trashëgoi sistemin e saj të trenave nga epoka e sundimit britanik në mesin e fund viteve 1800.
Vitet e fundit janë bërë përpjekje për të përmirësuar hekurudhat e vendit, por aksidentet hekurudhore janë ende shumë më të larta se vendet e tjera, duke shkaktuar më shumë se 16,000 vdekje në vitin 2021. Sistemi hekurudhor transporton 23 deri në 24 milionë pasagjerë çdo ditë.
