“Banditët po i urdhëronin njerëzit se çfarë do të duhet të bënin!
Fillon epoka e re e artë e Donald Trump. Daes, ambasadori amerikan në Hungari.”
Kryeministri hungarez Orbán, gjatë një interviste, sulmoi ashpër demokratët, administratën Biden dhe financierin e tyre të njohur Soros, duke i cilësuar si “një tufë idiotësh që u thonë të tjerëve çfarë të bëjnë”!
Ai parashikon se për Hungarinë po fillon një “epokë e re e artë”, me Trump-in në Shtëpinë e Bardhë dhe ai u zotua të dëbojë organizatat e Soros nga Hungaria dhe shpreson që “patriotët në vendet e tjera të bëjnë të njëjtën gjë”!
“Gjithçka do të ndryshojë, një ditë tjetër do të lindë mbi botën perëndimore të martën në mëngjes (një ditë pas inaugurimit të Trump).
Qeverisjes së dështuar demokratike në Amerikë do t’i vijë fundi”, tha Orbán në intervistën e tij të parë këtë vit në Kossuth Radio.
Duke i quajtur Partinë Demokratike dhe Sorosin “një tufë idiotësh”, ai tha se demokratët duan t’i imponojnë botës atë që ata besojnë se është e drejtë, përkatësisht në lidhje me emigracionin ilegal, identitetin gjinor dhe gjithë axhendën “woke” në përgjithësi.
Ai e quajti gjithashtu ambasadorin e SHBA në Hungari David Pressman një “ngacmues” i cili u përpoq të “shtyjë Hungarinë në sundimin e globalizimit”.
“Populli hungarez nuk dëshiron që një tiran të vijë këtu dhe të thotë se njerëzit nga ana tjetër e botës duhet të vijnë këtu dhe të banojnë këtë rajon mes nesh”, tha kryeministri hungarez, duke pranuar se ai “nuk ishte i gatshëm” të takonte ambasadorin amerikan Pressman, asnjëherë gjatë mandatit të tij 4-vjeçar.
Lidhur me Antal Roganin, shefin e tij të kabinetit i cili u vendos në listën e sanksioneve të SHBA-ve, Orban tha se kjo në fakt ka forcuar pozicionin e Roganit në qeveri dhe se lëvizja e SHBA-ve dëshmon se ministri po e bën mirë punën e tij.
Megjithëse titulli zyrtar i Rogan është Ministër i Zyrës së Kryeministrit, Orbán e përmendi në mënyrë specifike punën e tij si të lidhur me “shërbimet inteligjente/sekrete” të Hungarisë.
Duke besuar se një administratë Trump paralajmëron një “epokë të re të artë” për Hungarinë, Orbán tha se përparësia e tij kryesore për vitin 2025 është ta kthejë George Sorosin (rrjetin e njerëzve të tij) në Shtetet e Bashkuara.
“Dëbimi i rrjetit Soros nga Hungaria” do të fillojë këtë pranverë.
Orban shprehu gjithashtu shpresën e tij se “patriotët gjetiu” do të bënin të njëjtën gjë.
“Duhet të vërtetohet se prania e rrjetit Soros në Europë është në kundërshtim me interesat e popullit”, tha ai.
Duke shënuar fillimin e një “epoke të re në Bruksel”, kryeministri hungarez tha se ata duhet të “përshtaten”.
Edhe pse kryeministri hungarez vlerësoi planet e politikës ekonomike të Hungarisë, ai tha se ato do të funksionojnë vetëm nëse lufta nuk përshkallëzohet dhe politika e sanksioneve ndalet.
Ai gjithashtu beson se do të nevojiten masa serioze mbrojtëse.
“Pa paratë perëndimore, nuk ka Ukrainë. Bujqësia ukrainase është në konflikt me bujqësinë europiane dhe ekonomia e saj nuk përshtatet në sistemin europian”, shtoi ai.
Orban gjithashtu vuri në dukje se hungarezët kursejnë mesatarisht 24% të të ardhurave të tyre, krahasuar me mesataren e BE-së, që shkon në 14%!
Energjia, si për shumë vende, do të mbetet një shqetësim, veçanërisht me sanksionet e vazhdueshme dhe pasi zgjerimi i termocentralit bërthamor të Hungarisë (Paks II) nuk do të përfundojë përpara periudhës 2030-2032.
Kështu, ruajtja e gazsjellësit “Turk Steam” do të jetë me rëndësi vendimtare për Hungarinë (dhe jo vetëm, pasi edhe Greqia varet prej saj).
