“Ne duhet të hedhim poshtë gënjeshtrat që na thonë se cilët ishim, cilët jemi dhe cilët duhet të jemi!”
Me një premtim të fuqishëm plot pasion, aktivistja tëheqëse dhe komentatorja politike Eva Vlaardingerbroek nxiti europianët, duke deklaruar: “NE DO TA BËJMË EUROPËN TË MADHE SËRISH!”
Për herë të parë, Elon Musk, një bashkëpunëtor i ngushtë i Donald Trump, përdori sloganin “Make Europe Great Again” (MEGA), frymëzuar nga e famshmja “Make America Great Again” (MAGA). Me këtë lëvizje, ai vendosi tonin për ngritjen e mundshme të së djathtës në Europë, duke nënvizuar nevojën për rinovim dhe ndryshim në kontinentin e vjetër.
Musk e arsyetoi qëndrimin e tij duke thënë:
“Shumë njerëzve në Europë u mungon shpresa për të ardhmen ose e konsiderojnë Europën si të keqe, në një farë mënyre. Pesimizmi i përhapur kërcënon të çojë në fundin e Europës. Kjo është arsyeja pse duhet që Europa të ndryshojë”.
Slogani “MEGA” synon t’i japë frymë shoqërisë europiane, duke sinjalizuar një valë të re ndryshimesh politike. Kjo deklaratë konsiderohet si një pararojë e zhvillimeve që mund të sjellin të djathtën përpara, në shumë vende europiane në vitin 2025.
Reagimi i Eva Vlaardingerbroek
Aktivistja dhe komentatorja politike holandeze, Eva Vlaardingerbroek, e njohur për pozicionimin e saj patriotik, u përgjigj me forcë:
“Unë jam europian. Dhe jam krenare. Ne duhet të hedhim poshtë gënjeshtrat që na thonë se cilët ishim, cilët jemi dhe cilët duhet të jemi. DO TA BËJMË EUROPËN TË MADHE SËRISH”.
Ky reagim intensifikoi debatin për drejtimin e Europës, duke ndezur debate intensive në mediat sociale dhe forumet politike. Viti 2025 duket se do të jetë një vit përcaktues për skenën politike europiane.
I am European. And I am proud.
— Eva Vlaardingerbroek (@EvaVlaar) January 18, 2025
We have to reject the lies we are being told about who we were, who we are and who we should be.
MAKE EUROPE GREAT AGAIN. https://t.co/L2OVfaUbHM pic.twitter.com/ITXgkpGTlh
