Transaksionet bankare elektronike tani konsiderohen si një kërcënim për sigurinë kombëtare.
Suedia duket se do të bëhet vendi i parë që po e konsideron seriozisht largimin nga paratë dixhitale dhe kthimin në përdorimin e gjerë të parave kartmonedhë, si mjeti i vetëm i pranueshëm i pagesës për ekonominë e saj vendase, siç raporton gazeta britanike “The Guardian”.
Megjithëse vetëm një në 10 blerje bëhet me para në dorë, me kartat që janë forma më e zakonshme e pagesës, e ndjekur nga sistemi suedez i pagesave celulare Swish, modelet e transaksioneve financiare për shkak të ngjarjeve të fundit duket se do të ndryshojnë.
Në kontekstin e sotëm të rrjedhshëm gjeopolitik, Suedia duket se po i kthehet ‘cash’-it, i cili shihet si zgjidhja e vetme dhe e nevojshme, sidomos pas një lufte totale.
“Serioziteti i perceptuar i situatës është që autoritetet po përpiqen të inkurajojnë qytetarët që të mbajnë dhe përdorin para në emër të mbrojtjes civile. Transaksionet bankare elektronike konsiderohen një kërcënim potencial për sigurinë kombëtare”, vëren ai më pas.
Në nëntor, Ministria e Mbrojtjes dërgoi një broshurë në çdo shtëpi të titulluar “Nëse vjen kriza ose lufta”, e cila këshillonte qytetarët që “të përdorin rregullisht paratë kartmonedhë dhe të mbajnë një furnizim minimal njëjavor të parave për të rritur gatishmërinë”.
Në raportin e saj, banka qendrore thekson: “Duhen marrë masa për të forcuar gatishmërinë dhe për të reduktuar përjashtimin në mënyrë që të gjithë të mund të paguajnë, edhe në rast krize apo lufte. Për vite me radhë, efikasiteti ishte prioriteti për pagesat, por tani siguria dhe aksesueshmëria janë të paktën po aq të rëndësishme.”
Në dhjetor, qeveria publikoi gjetjet e një studimi që sugjeronte t’u kërkohet disa subjekteve publike dhe private të pranojnë para kartmonedhë, një rekomandim që banka qendrore thotë se autoritetet duhet ta zbatojnë.
Në të njëjtën kohë, qeveria norvegjeze duket se po ndjek të njëjtin model si Suedia, pasi u rekomandoi qytetarëve të saj “të mbajnë para në dorë për shkak të dobësive të zgjidhjeve të pagesave dixhitale ndaj sulmeve kibernetike”.
Në fund të fundit, ish ministrja e Drejtësisë dhe Emergjencave të Norvegjisë, Emilie Mehl, e shprehu qartë: “Nëse askush nuk paguan me para dhe askush nuk pranon para në dorë, paratë e gatshme nuk do të jenë më një zgjidhje e vërtetë emergjente, kur kriza të ketë arritur në pragun tonë”.
