Trump ndan pasurinë me Putinin dhe Europa lihet jashtë “loje”.
Ka shumë, shumë para dhe qartësisht bëhet fjalë për pushtet mbi burimet e hidrokarbureve në botë, prandaj Rusia dhe SHBA-të po bëjnë lojën e tyre, duke e lënë jashtë BE-në e “idiotëve”, vasalëve të leftizmit dhe devijancave, apo edhe të Green Economy.
Sipas burimeve të Reuters, Exxon ka marrë leje për të negociuar me Rosneft nën Presidencën Donald Trump.
“Diskutimet mbi mënyrat e mundshme për të kompensuar humbjet kanë filluar që nga viti 2023”, tha javën e kaluar CEO i Exxon, Darren Woods.
Në gusht, Reuters raportoi se negociatat midis Exxon dhe Rosneft po zhvilloheshin paralelisht me dialogun SHBA-Rusi për Ukrainën.
Në mesin e gushtit, Trump u takua me Presidentin rus Vladimir Putin në Alaska, duke u përpjekur të bindte Moskën të binte dakord për një marrëveshje paqeje për Ukrainën.
Edhe pse procesi i paqes është bllokuar për momentin, Exxon dhe Rosneft kanë vazhduar negociatat.
Një marrëveshje paraprake u nënshkrua në fillim të shtatorit, tha një nga burimet për Reuters.
Nuk ka fuqi ligjore, por thjesht përcakton kornizën për negociatat e ardhshme mbi kompensimin e mundshëm për Exxon, për asetet e saj të amortizuara.
Të mërkurën, duke iu përgjigjur një pyetjeje nga gazetarët në lidhje me përfundimin e një marrëveshjeje me Rosneft, Woods konfirmoi se negociatat kanë të bëjnë pikërisht me kompensimin e dëmeve, pa zbuluar detaje.
Në prill 2022, Exxon mori një zhvlerësim prej 4.6 miliardë dollarësh për shkak të humbjes së 30% të aksioneve të saj në projektin Sakhalin-1 në Lindjen e Largët të Rusisë.
Pas fillimit të konfliktit në Ukrainë, ajo, si shumë kompani perëndimore, njoftoi tërheqjen e saj nga Rusia. Si rezultat, Exxon humbi aksesin në 150 milionë fuçi rezerva të provuara nafte dhe gazi.
SHBA-të dhe BE-ja kanë vendosur sanksione të shumta ndaj Rosneft dhe kreut të saj, Igor Sechin, një bashkëpunëtor i ngushtë i Putinit.
Në përgjigje, Moska ngriu asetet perëndimore në vitet 2022-2023, duke përfshirë aksionet ruse në kompanitë e huaja, pasi Perëndimi ngriu rreth 300 miliardë dollarë në asete ruse.
Por tani, zëvendësministri i jashtëm rus Sergei Ryabkov tha javën e kaluar se Moska është gati të thellojë bashkëpunimin energjetik me Shtetet e Bashkuara, duke përfshirë projekte të tilla si Sakhalin-1.
“Mund ta përmend Sakhalin-1 si shembullin më të dukshëm të diskutimeve që kanë filluar”, tha Ryabkov. Guvernatori i rajonit Sakhalin, Valery Limarenko, gjithashtu e mirëpriti kthimin e mundshëm të Exxon: “Ne duhet të vazhdojmë të zhvillohemi dhe në këtë kuptim, zhvillimi i përbashkët do të ishte më efektiv”, vuri në dukje ai.
Kështu ndodh gjithmonë historikisht, të mëdhenjtë kanë sukses dhe vasalët dhe të vegjlit shkatërrohen dhe lihen në mëshirë të fatit.
