“Mbrëmë pata një darkë të mrekullueshme me Presidentin e Shteteve të Bashkuara dhe Zonjën e Parë”, shkroi Elon Musk.
Elon Musk dhe Presidenti i SHBA-ve Donald Trump darkuan së bashku të shtunën në mbrëmje në Mar-A-Lago, në prani të Melania Trump, në një darkë që i dha fund një mosmarrëveshjeje midis dy burrave më të fuqishëm në SHBA-ve, që filloi korrikun e kaluar me postimin e të parit në lidhje me “Listën Epstein” dhe Trump-in.
Elon Musk postoi një foto nga darka në X, duke shkruar:
“Mbrëmë pata një darkë të mrekullueshme me Presidentin e Shteteve të Bashkuara dhe Zonjën e Parë. Viti 2026 do të jetë i mrekullueshëm!”, duke dërguar një mesazh optimizmi dhe duke sinjalizuar publikisht një afrim me Donald Trump.
Paraqitja e tyre e përbashkët konsiderohet një shenjë e rivendosjes së marrëdhënieve të tyre, duke kujtuar se para disa kohësh ka deklaruar se kreu i Tesla dhe SpaceX “kaloi një kohë të vështirë” dhe se “thellë-thellë ai është një njeri i mirë”.
Të dy ishin shfaqur përsëri së bashku në shtator, në një shërbim përkujtimor për Charlie Kirk në Arizona, por nuk pati zhvillime të mëtejshme publike.
Disa orë pas darkës në Mar-a-Lago dhe mes zhvillimeve të shpejta në Venezuelë, Musk vazhdoi me një seri postimesh në X, duke shprehur mbështetjen e tij për venezuelianët.
Në të njëjtën kohë, Starlink njoftoi se do të ofronte akses falas në internet me fashë të gjerë në Venezuelë deri në fillim të shkurtit, një veprim që ai e përshkroi si një përpjekje për “të mbështetur njerëzit në një kohë pasigurie”.
