Nuk raportohen viktima, por fenomeni shkaktoi panik!
Një ortek masiv goditi resortin e skive Elbrus në rajonin Kabardino-Balkaria në Rusinë jugore, pranë kufirit me Gjeorgjinë.
Siç është regjistruar në videon që qarkullon në mediat sociale, volume të mëdha dëbore zbresin me shpejtësi të lartë nga shpatet e malit Elbrus, duke mbuluar pjesë të resortit të skive dhe zonat pranë objekteve dhe shpateve.
Autoritetet lokale u vunë menjëherë në gatishmëri, ndërsa ekipet e shpëtimit u mobilizuan për kontrolle parandaluese në zonë, pasi kishte frikë për njerëz të bllokuar.
Ortektu ra dje, por videot mbresëlënëse u publikuan sot.
Deri më tani, nuk janë raportuar viktima zyrtare dhe Rusia ndoshta ka shmangur një tragjedi të madhe.
Resorti i skive Elbrus, i vendosur në Kaukaz dhe një destinacion popullor për skiatorët dhe alpinistët, shpesh preket nga ngjarje ekstreme të motit gjatë sezonit të dimrit, me autoritetet që paralajmërojnë për një rrezik në rritje të ortekëve.
Shërbimet kompetente u bëjnë thirrje vizitorëve të ndjekin udhëzimet e sigurisë dhe të shmangin zonat e rrezikshme derisa të përfundojë vlerësimi i situatës.
