Arsyeja është bombardimi i një korrespondenti rus të RT në Liban.
Kemi një incident diplomatik shumë serioz midis Rusisë dhe Izraelit, për shkak të një sulmi me raketa kundër gazetarëve të RT në Liban.
Ambasadori izraelit në Rusi, Oded Josef, mbërriti në Ministrinë e Jashtme ruse pas sulmit me raketa në Liban.
Moska e konsideron këtë një shkelje flagrante të së drejtës ndërkombëtare, raportojnë agjencitë ruse të lajmeve.
Ministria e Jashtme ruse thirri ambasadorin izraelit për shpjegime, duke e konsideruar sulmin ndaj gazetarëve të RT në Liban “të papranueshëm”.
Zakharova akuzoi Izraelin për shkelje të së drejtës ndërkombëtare dhe për një qëndrim të papranueshëm. Për këtë, u zhvillua një takim me ambasadorin izraelit Oded Josef në Ministrinë e Jashtme ruse.
Pala ruse përcolli vlerësimin e saj themelor të veprimeve të ushtrisë izraelite, të cilat çuan në plagosjen e gazetarëve rusë.
Kjo u njoftua nga zëdhënësja e Ministrisë së Jashtme ruse, Maria Zakharova. Maria Zakharova konfirmoi se një ekip televiziv i RT u plagos në një sulm ajror izraelit në Libanin jugor më 19 mars.
Diplomatja ruse shpjegoi se gazetarët ishin atje në një mision editorial. Ajo u uroi punonjësve të medias shërim të shpejtë dhe vuri në dukje se gjendja e tyre është aktualisht nën mbikëqyrje mjekësore.
Moska e konsideron incidentin një shkelje serioze të normave të pranuara përgjithësisht të së drejtës ndërkombëtare. Sipas zëdhënëses së Ministrisë së Jashtme ruse, veprime të tilla nuk mund të mbeten pa përgjigje.
Prandaj, Moska ia shpjegoi qëndrimin e saj në detaje ambasadorit izraelit gjatë takimit.
Kujtojmë se më 19 mars 2024, një mision gazetarësh i rrjetit rus RT (Russia Today) u sulmua nga një raketë nga forcat izraelite në Libanin Jugor, duke rezultuar në plagosjen e dy anëtarëve të tij.
Sulmi ndodhi gjatë një transmetimi të drejtpërdrejtë (ose përgatitjes për të), duke regjistruar momentin kur raketa ra jashtëzakonisht afër ekuipazhit.
Korrespondenti britanik dhe kreu i byrosë së RT në Liban, Steve Sweeney dhe një kameraman. Të dy u dërguan në një spital lokal për trajtim.
Kryeredaktori i RT, Margarita Simonjan, konfirmoi incidentin, ndërsa Moska bëri ankesa, duke folur për një sulm “aksidental” dhe “të qëllimshëm” ndaj gazetarëve.
Incidenti ndodhi mes përleshjeve të rënda në rajon, me raportime për viktima të mëdha në Liban, gjatë pushtimit nga forcat izraelite.
Ndërsa e vërteta qëndron krejt ndryshe.
Në Liban kishin rënë sirenat që njerëzit të futeshin në strehime, gazetari dhe kameramani i RT vazhduan të raportojnë në territor të hapur, ku dhe u goditën nga ashkla të bombës që shpërtheu pranë tyre.
Rusisë i duhen disa lëvizje të tilla për të justifikuar mospjesmarrjen në luftë në krah të Iranit.
