“Lufta civile” europiane shpërtheu.
Vetoja e Orbanit për 90 miliardë për Ukrainën shkakton zemërim dhe akuza serioze për shantazh.
Samiti në Bruksel është zhvilluar në një terren konflikti të fortë politik, të përqendruar në bllokadën e Hungarisë ndaj ndihmës ekonomike për Kievin. Kryeministri hungarez Viktor Orban, pavarësisht presionit mbytës nga homologët e tij europianë, refuzoi me kokëfortësi të hiqte veton e tij për dhënien e kredisë prej 90 miliardë eurosh për Ukrainën, duke shkaktuar shpërthim të lidershipit europian.
Sulmi i ashpër i Merz: “Pandershmëri e paparë”!
Reagimi më i ashpër dhe më i pazakontë, për arsye diplomatike, erdhi nga Berlini. Kancelari gjerman Friedrich Merz, duke folur me gazetarët në orët e para të mëngjesit të së premtes, nisi një sulm të drejtpërdrejtë dhe të mprehtë ndaj kryeministrit hungarez.
“Ky është një akt pandershmërie të hapur në Bashkimin Europian, i cili nuk ka ndodhur kurrë më parë në këtë formë. Dhe jam absolutisht i bindur se do të lërë plagë të thella.”
Costa dhe Von der Leyen: “Nuk do të pranojmë shantazh”!
Udhëheqja e institucioneve europiane gjithashtu veproi në të njëjtën mënyrë të rreptë, duke e bërë të qartë se Bashkimi tashmë po kërkon formula ligjore dhe politike për të anashkaluar rezistencën hungareze dhe për të vazhduar me dhënien e fondit. Presidenti i Këshillit Europian Antonio Costa, e dënoi qëndrimin e Budapestit si “të papranueshëm”, duke dërguar një mesazh të qartë:
“Një marrëveshje është marrëveshje, është e nevojshme të mbajmë fjalën tonë. Askush nuk mund ta shantazhojë Këshillin Europian.”
Nga ana e saj, Presidentja e Komisionit Europian Ursula von der Leyen, garantoi se Kievi nuk do të braktiset financiarisht nga Brukseli. Pavarësisht vetos së vendosur nga Viktor Orbán, kreu i Komisionit theksoi me vendosmëri se Europa do të gjejë një zgjidhje: “Ne do ta bëjmë në një mënyrë ose në një tjetër.”
Sa më sipër na vërteton se Bashkimi Europian nuk operon më në shinat e normave, rregullave dhe dokumentit bazë të themelimit të BE-së, që lidhet me të drejtën e vetos.
Demokracia në BE ka rënë.
