Piloti, një burrë 65-vjeçar nga Michigani dhe pasagjeri 34-vjeçar nga New Jersey nuk u lënduan.
Një aeroplan i vogël bëri një ulje emergjente në një autostradë të Pensilvanisë në lindje të Shteteve të Bashkuara të shtunën në mëngjes, duke shkaktuar probleme trafiku gjatë një periudhe udhëtimi të shtuar për shkak të festave. Piloti arriti ta ulte aeroplanin në mënyrë të sigurt, pa lëndime.
Sipas Policisë Shtetërore të Pensilvanisë, aeroplani bëri një ulje emergjente në autostradën I-78 të shtunën në mëngjes, duke shkaktuar mbingarkesë të konsiderueshme trafiku, pasi rruga ishte e mbyllur për rreth 4 orë.
Aeroplani Commander 114B i vitit 1995 ishte ngritur nga Solberg, New Jersey, me destinacion Indianën. Pak pas orës 9 të mëngjesit (ora lokale, ora 4 pasdite sipas kohës lindore), piloti pati probleme me motorin dhe bëri një ulje emergjente, të cilën e përfundoi me sukses.
Ulja ishte e sigurtë dhe pa lëndime, ndërsa autoritetet po hetojnë shkakun e dështimit.
