Disa shpërthime kanë ndodhur mëngjesin e së hënës (31/10) në kryeqytetin e Ukrainës, Kiev, por deri më tani nuk dihet nëse ka dëme apo viktima.
Përdoruesit e mediave sociale po raportojnë për më shumë se 10 shpërthime me video të përgjimeve të raketave mbi qiellin e kryeqytetit ukrainas.
Këshilltari i Volodimir Zelenskit, Anton Gerashenko, foli për të paktën tre shpërthime në Kiev, duke shtuar se u lëshuan 40 raketa ruse.
Sipas ‘Kyiv Independent’: “Rreth 7-8 shpërthime u dëgjuan në Kiev dhe rrethinat e tij të hënën në mëngjes. Shkaku i shpërthimeve mbetet i panjohur”.
