Nga rrobat e firmave të shtrenjta, bizhuteritë dhe udhëtimet… deri në prag të deportimit.
47-vjeçarja Afsar akuzohet për promovimin e materialeve propagandistike në favor të Teheranit.
Së bashku me vajzën e saj, 25-vjeçaren Sarina Sadat, ato jetonin në SHBA me statusin e rezidentit me “green card”.
Autoritetet amerikane arrestuan dje Hamideh Soleimani Afsar, mbesën e gjeneralit të vrarë iranian Qassem Soleimani, si dhe vajzën e saj, Sarina Sadat Hosseini, duke revokuar lejet e tyre të përhershme të qëndrimit në SHBA, për shkak të lidhjeve të tyre të dyshuara me regjimin iranian.
Afsar, 47 vjeç, akuzohet për promovimin e propagandës pro-Teheranit dhe lavdërimin e sulmeve ndaj objektivave ushtarake amerikane në Lindjen e Mesme, ndërsa jetonte në Shtetet e Bashkuara.
Një letër e Departamentit të Shtetit që konfirmon arrestimet thotë se “gjatë kohës së saj në Shtetet e Bashkuara, ajo promovoi propagandën e regjimit iranian, vlerësoi sulmet ndaj ushtarëve amerikanë dhe instalimeve ushtarake në Lindjen e Mesme, vlerësoi Udhëheqësin e ri Suprem të Iranit, denoncoi Shtetet e Bashkuara si “Satani i Madh” dhe shprehu mbështetje të palëkundur për Gardën Revolucionare, të cilat janë përcaktuar si organizatë terroriste”.
Afsar hyri në Shtetet e Bashkuara në vitin 2015 me një vizë turistike, iu dha azil në vitin 2019 dhe u bë banore e përhershme në vitin 2021 nën administratën e Joe Biden. Sipas Departamentit të Sigurisë Kombëtare, ajo ka bërë të paktën katër udhëtime në Iran që nga marrja e Green Card.
Vajza e saj, 25 vjeç, gjithashtu hyri në Shtetet e Bashkuara në vitin 2015 me një vizë studentore dhe u bë banore e përhershme në vitin 2023. Autoritetet amerikane i kanë konsideruar të dyja si shqetësim për sigurinë kombëtare për shkak të lidhjeve të tyre me udhëheqjen iraniane.
Departamenti i Shtetit përmendi gjithashtu stilin e jetesës luksoze të Afsar në Los Angeles, të cilin ajo thuhet se e shfaqte rregullisht në mediat sociale përpara se llogaritë e saj të fshiheshin. Fotot e postuara në internet e tregonin atë duke shfaqur makina të shtrenjta, rroba firmato dhe bizhuteri, si dhe fotografi nga udhëtimet që bënte.
Sipas fqinjëve, Afshar jetonte në një rezidencë në zonën Tuhunga, rreth 30 kilometra në veri të qendrës së Los Angeles. Vajza e saj thuhet se u arrestua nga agjentët e Imigracionit dhe Doganave (ICE).
Shihni fotot e dy grave, të publikuara nga New York Post
47-vjeçarja Afshar!
Nuk bën aspak çudi sa më sipër, teksa vetë Lideri Suprem i pashfaqur deri më sot, banonte më shumë jashtë Iranit, në pasuritë dhe vilat e tij në Perëndim.
25-vjeçarja Sarina Sadat
