Ndërprerje të energjisë elektrike, pas sulmeve ruse që kanë dëmtuan infrastrukturën energjetike.
Zelenski është në një pozitë të vështirë.
Rusia lëshoi rreth 200 raketa dhe dronë në Ukrainë të hënën, në një valë të re sulmesh si hakmarrje ndaj forcave ukrainase që pushtuan rajonin Kursk.
Sulmi kishte në shënjestër kryesisht sistemin energjetik të vendit, duke rezultuar në ndërprerje të energjisë në të gjithë vendin.
Ndërprerjet e energjisë dhe ujit u raportuan në shumë zona, duke përfshirë pjesë të Kievit, pasi sulmi kishte në shënjestër këto infrastruktura të energjisë në të paktën 10 zona.
Vihet re se Rusia ka rritur në mënyrë dramatike sulmet e saj në rrjetin elektrik të Ukrainës që nga marsi, një strategji që ajo ndoqi që në fillim të luftës kundër Ukrainës.
Deputetja ukrainase Lesia Vasilenko tha se pavarësisht goditjeve që merr Ukraina, ajo mbetet “e fortë”, ndërsa theksoi se sistemi i mbrojtjes ajrore të vendit po funksionon, edhe pse disi i mpirë nga sulmet e përsëritura.
Zyrtari ukrainas vuri në dukje gjithashtu se “qëllimi që Rusia po ndjek tani është të synojë sa më shumë infrastrukturë të jetë e mundur, për të siguruar që Ukraina të mbetet në errësirë dhe në të ftohtë gjatë këtij dimri”.
Rusia ka konfirmuar se ka shënjestruar infrastrukturën energjetike të Ukrainës në sulmet e saj ajrore gjatë natës.
Presidenti Volodimir Zelenski tha sot se sektori energjetik i vendit ka pësuar “dëm të madh”.
Sulmet ndaj infrastrukturës së energjisë elektrike janë raportuar në 10 rajone në të gjithë Ukrainën, nga Rivne dhe Volin në veriperëndim, në Zaporizhia në juglindje.
Autoritetet në kryeqytet thonë se infrastruktura energjetike dhe ujore ishin në shënjestër, duke përfshirë një hidrocentral në rajonin e Kievit, ku u dëmtua një digë.
Ministria e Mbrojtjes e Rusisë konfirmoi se goditi nënstacionet e energjisë në nëntë rajone të Ukrainës dhe stacionet e kompresorëve të gazit në tre rajone.
Operatori kombëtar i rrjetit elektrik të Ukrainës është detyruar të përdorë ndërprerjet emergjente për të mbajtur sistemin në punë.
Ndërprerjet e energjisë dhe ujit janë raportuar në shumë zona, duke përfshirë pjesë të Kievit.
Moldavia fqinje, rrjeti elektrik i së cilës është i lidhur me rrjetin e Ukrainës, raportoi gjithashtu ndërprerje të vogla në rrjetin e saj.
