Një “anomali e çuditshme” po ndodh në Oqeanin Atlantik dhe ekspertët duket se nuk mund të kuptojnë arsyen. Gjatë vitit të kaluar, temperaturat e sipërfaqes në Oqeanin Atlantik kanë vendosur rekord të ri.
Megjithatë, kjo duket se ka ndryshuar papritur në Oqeanin Atlantik me temperaturat e sipërfaqes së tij që kanë rënë papritur me shpejtësi rekord muajt e fundit.
Sipas Administratës Kombëtare të Oqeanit dhe Atmosferës së SHBA (NOAA), të dhënat tregojnë se temperaturat e sipërfaqes së detit Atlantik kanë filluar të bien që nga maji.
Duket se Atlantiku ekuatorial ishte 0,5-1 gradë më i ftohtë se normalja për këtë periudhë të vitit.
“Nëse këto kushte të ftohta vazhdojnë deri në fund të gushtit, mund të shpallet një fenomen i njohur si Atlantic Niña. Ftohja e kësaj vere është për shkak të erërave që veprojnë në sipërfaqen e oqeanit”, raporton web site i NOAA.
“Çdo pak vite ujërat e rajonit të ekuatorit Atlantik janë dukshëm më të ngrohta ose më të ftohta se mesatarja për shkak të lëkundjeve zonale të Atlantikut.
Përkufizimet e sakta ndryshojnë, por zakonisht, anomalitë mesatare 3-mujore të temperaturës së sipërfaqes së detit në Atlantikun lindor ekuatorial duhet të kalojnë ± 0,5 gradë Celsius (± 0,9 gradë Fahrenheit) për të paktën dy sezone të mbivendosura në mënyrë që të karakterizohen si Niño ose Niña’ e Atlantikut.
