“Ata” e ruajtën të gjithë gjenomin në një kristal!
Shkencëtarët në Universitetin e Southampton kanë zhvilluar një metodë inovatore të ruajtjes së ADN-së njerëzore, duke ruajtur të gjithë gjenomin në një kristal, i cili mund të përdoret për të rivendosur njerëzimin në rast zhdukjeje.
Sipas SkyNews, ekipi nga Qendra Kërkimore Optoelektronike e Universitetit të Southampton (ORC) përdori lazer për të regjistruar të dhënat në një kristal 5D, i cili mund të mbijetojë për miliarda vite.
Kristali, ndryshe nga format e tjera të ruajtjes, nuk zvogëlohet ose nuk degradohet me kalimin e kohës.
Në një deklaratë, universiteti e përshkroi kristalin, ekuivalent me kuarcin e shkrirë, si një nga “materialet më rezistente kimikisht dhe termikisht në Tokë”.
Mund të përballojë forca të mëdha, temperatura ekstreme dhe “ekspozim ndaj rrezatimit kozmik”.
Ekipi tani shpreson se ata mund të përdorin të njëjtën metodë në të ardhmen për të hartuar gjenomet e specieve bimore dhe shtazore të rrezikuara.
Por ka një “pengesë” për rikthimin e jetës.
Aktualisht, nuk është e mundur të krijohen në mënyrë sintetike njerëzit, bimët dhe kafshët duke përdorur vetëm informacionin gjenetik.
Kreu i ekipit hulumtues, profesor Kazansky, tha se jetëgjatësia e kristalit 5D nënkuptonte se informacioni do të ishte i disponueshëm për shkencëtarët kur dhe nëse do të bëheshin përparime në gjenetikë.
“Ne e dimë nga puna e kolegëve të tjerë se materiali gjenetik nga organizma të thjeshtë mund të sintetizohet dhe përdoret në një qelizë ekzistuese për të krijuar një ekzemplar të gjallë të qëndrueshëm në një laborator”, tha ai.
“Kristali i memories 5D hap mundësi për studiues të tjerë për të krijuar një depo të përjetshme të informacionit gjenomik nga i cili organizmat komplekse si bimët dhe kafshët mund të restaurohen nëse shkenca e lejon në të ardhmen”, tha ai.
***
Direkt dhe indirekt po na thonë se e kanë krijuar njeriun në gjendje laboratorike. Shpirtin si do ja mbartin, sepse kjo që kanë zbuluar lidhet me anën fizike, ilistike, materiale, atë të përkohshmen që është trupi i njeriut.
