Menjëherë pas mbërritjes së një avioni iranian!
Izraeli bombardoi bazën ajrore ruse Hmeimim, një orë pas mbërritjes së një avioni iranian të linjës ajrore “Qeshm”!
Është hera e parë në histori që izraelitët godasin një bazë ruse!
Sulmi izraelit nuk shënjestroi pistat apo kullat në bazën ajrore Hmeimim apo aeroportin civil të Latakias.
Bombardimi shënjestroi vende të tjera ushtarake në provincë në të njëjtën kohë me një zonë magazinimi, brenda bazës ajrore Hmeimim.
Baza është përdorur shumë herë në të kaluarën nga iranianët që kanë një marrëdhënie të privilegjuar me rusët.
Bombardimet izraelite filluan në orën 3:55 të mëngjesit dhe përfunduan në orën 4:41 të mëngjesit, së bashku me gjuajtjen e tridhjetë raketave nga anijet e Marinës izraelite.
Avionët luftarakë rusë fluturuan mbi Latakia pas përfundimit të sulmit izraelit.
Mbrojtja ajrore siriane dhe ruse operoi për më shumë se 50 minuta, duke rrëzuar raketa në Latakia, Jamble dhe Tartous.
Më shumë se 50 raketa u kapën, veçanërisht pranë bazës ajrore Hmeimim të drejtuar nga Rusia.
Pas sulmit, zjarre të mëdha shpërthyen në Jable, pranë bazës ajrore.
Ekipet e zjarrfikësve janë dërguar në zonë.
Sulmi izraelit në bazën ruse shihet si një mesazh nga Tel Avivi për Moskën, se do të bëjë gjithçka që duhet për të neutralizuar kërcënimet kundër saj, edhe nëse duhet të kthehet kundër vendeve shumë më të fuqishme se Izraeli.
Në Izrael ata e dinë se aleanca e rusëve me iranianët nuk do të prishet menjëherë, ata rrezikojnë të detyrojnë një fuqi të madhe të përfshihet drejtpërdrejt në ngjarjet në Lindjen e Mesme.
