Incidenti është bërë i njohur si “Përmbytja e birrës së Londrës”!
Më 17 tetor 1814, diçka jashtëzakonisht e pazakontë ndodhi në qendër të Londrës. E keqja është se ka pasur edhe një fund tragjik.
Ajo është bërë e njohur si “përmbytja e birrës së Londrës” ose në anglisht “London Beer Flood”. Pranë West End, në pjesën perëndimore të Londrës qëndrore, ka që nga viti 1764 selinë fabrika e birrës Meux.
Kryesisht prodhonte birrë të zezë dhe fabrika “ushqente” banorët vendas.
Në orën 18:00 të asaj dite, një rezervuar prej druri 6 metra i lartë që përmbante 600 ton birrë, u thye dhe shkaktoi një shpërthim zinxhir të tankeve të tjera. Tanku ishte i vjetër dhe dëmi kishte shumë gjasa të ndodhte. Vala e birrës depërtoi derën e fabrikës dhe rreth 1,500 ton birrë u derdhën në rrugët përreth.
Përmbytja rrëmbeu dy shtëpi dhe rrëzoi murin e një lokali, ku një kameriere 14-vjeçare mbeti e bllokuar në rrënoja. Bodrumet dhe katet përdhese të shtëpive janë përmbytur. Disa, sigurisht, dolën me kova në rrugë për të mbledhur birrën, që të mos shkonte dëm! Dhe ndërsa disa e konsideruan atë një dhuratë, për të tjerët ishte një makth. Nëntë persona humbën jetën në këtë mënyrë të pakuptimtë dhe të pazakontë, duke përfshirë edhe kamarieren 14-vjeçare të pub-it, Elinor Cooper.
Disa të afërm të viktimave, duke dashur të përfitojnë nga ngjarja, i vendosën grumbujt e viktimave në publik, duke u kërkuar kalimtarëve (njerëz vinin nga e gjithë Londra) të paguanin një biletë. Policia ka ndërhyrë dhe varrimi është shtyrë për të nesërmen.
Përgjegjësit u sollën para drejtësisë. Megjithatë, ata u shpallën të pafajshëm, sepse ngjarja u konsiderua “forcë madhore” dhe vdekja një ngjarje aksidentale. Megjithatë, gjendja financiare e fabrikës ishte e rëndë. “Taksat e parapaguara për birrën” psherëtinin pronarët, të cilët më në fund arritën të marrin dëmshpërblim(!) duke apeluar pranë Parlamentin Britanik.
Kështu, fabrika punoi edhe për gati 150 vite të tjera!
