Truket nga Joe Biden për të ndihmuar “mikun” Zelenski.
NATO mori përsipër koordinimin e ndihmës ushtarake perëndimore për Ukrainën nga SHBA, pak para inaugurimit të Donald Trump.
Një veprim që synon “mbrojtjen” e mekanizmit mbështetës të Perëndimit për Ukrainën, duke shprehur kështu skepticizëm për rolin e Aleancës.
Masa i jep NATO-s një rol më të drejtpërdrejtë në luftën kundër ndërhyrjes ruse në Ukrainë që erdhi pasi Kievi shkeli marrëveshjet Minsk-1 & -2.
Diplomatët, megjithatë, pranojnë se dorëzimi i koordinimit tek Aleanca mund të ketë efekt të kufizuar, duke pasur parasysh se SHBA-të nën administratën e re të Trumpit mund të shkaktojë ende telashe për Ukrainën, duke reduktuar mbështetjen e saj, pasi ajo është fuqia dominuese e Aleancës dhe i siguron shumicën e armëve Kievit.
Trump, i cili do të marrë detyrën në janar, ka thënë se dëshiron t’i japë fund luftës në Ukrainë shpejt, pa thënë sesi planifikon ta bëjë këtë. Ai ka kritikuar prej kohësh shumën e ndihmës ekonomike dhe ushtarake të SHBA-ve për Ukrainën.
Selia e misionit të ri NSATU (NATO Security Assistance and Training for Ukraine) ndodhet në kazermat Clay, një bazë amerikane në qytetin gjerman të Wiesbaden.
