Shkencëtarët nuk e dinë nëse tërmeti me magnitudë 5.2 ishte tërmeti kryesor.
Drejtori i Kërkimeve në Institutin Gjeodinamik, Thanasis Gkanas, komentoi tërmetet e njëpasnjëshme në Santorini, duke thënë se “dy javët e ardhshme do të jenë kritike”.
Konkretisht, sizmologu Gkanas lidhur me aktivitetin sizmik në Kyklades tha se bëhet fjalë për një “seri tërmetesh”, ndërsa shkencëtarët ende nuk e dinë nëse lëkundjet sizmike me magnitudë 5.2 të shkallës Rihter janë tërmeti kryesor.
“Një fenomen dinamik është duke u zhvilluar pasi kanë ndodhur 169 tërmete mbi 4 të shkallës Rihter”, theksoi ai, duke e përshkruar fenomenin si “një krizë sizmike të paprecedent dhe dy javët e ardhshme do të jenë kritike”.
Thanasis Gkanas më pas vuri në dukje, në lidhje me vullkanin e Santorinit: “Ndryshimet tregojnë një ngritje të vullkanit për shkak të magmës. Ka deformim të tokës. Magma është e barabartë me 5 milionë metër kub, po monitorojmë vazhdimisht fenomenin”.
Duket se kjo që po ndodh në Santorini ka filluar të shqetësojë së tepërmi sizmiologët, vulkanologët, gjeologët dhe studiuesit e fenomenit.
