Si zbulon veten një person inteligjent?
Ka nëntë sjellje specifike që zbulojnë IQ më të lartë krahasuar me të tjerë, pa pasur nevojë të thoni… asnjë fjalë të vetme!
Ka shumë mënyra për të zbuluar IQ-në, por kurioziteti, inteligjenca emocionale dhe një lidhje e thellë me botën, janë karakteristika që u përshtaten njerëzve inteligjentë, në çdo rast.
- Dëgjimi i kujdesshëm dhe i qëllimshëm
A keni vënë re ndonjëherë dikë në një bisedë që nuk pret vetëm radhën e tij për të folur? Në vend të kësaj, ata janë plotësisht në harmoni, bëjnë tundje të lehta koke, mbajnë kontaktin me sy dhe ndoshta përkulen pak përpara. Ky është dëgjimi i qëllimshëm.
Psikologët e quajnë “dëgjim aktiv” dhe konsiderohet një element themelor i inteligjencës emocionale. Njerëzit inteligjentë e kuptojnë se për të mësuar diçka të re, duhet të dëgjosh më shumë sesa të flasësh. Ata filtrojnë shpërqendrimin dhe i japin 100% të vëmendjes së tyre personit që flet.
Çfarë fitojnë këta njerëz nga kjo? Ata kapin nuanca, ngjyrime delikate në tonin e zërit, zbulojnë nënkuptime dhe nëntekste të fshehura dhe fitojnë njohuri që shumica e njerëzve i humbet, i shpëtojnë, nuk i kap dot. Ky përkushtim i heshtur për të përthithur informacionin është një shenjë e qartë inteligjence.
- Vëzhgojnë para se të reagojnë
Ndjenja e kuriozitetit është e fortë tek njerëzit që ndalen për të vëzhguar para se të nxjerrin përfundime të nxituara.
Një person vërtet inteligjent shpesh ka zakon të bëjë një hap prapa. Ata vëzhgojnë, mbledhin informacion dhe e krahasojnë me atë që dinë. Kjo taktikë i lejon ata të formulojnë përgjigje më të informuara dhe të përshtaten më lehtë me situata të reja.
Është e mahnitshme sesa më qartë mund të shikoni, kur ngadalësoni dhe vëreni gjërat me të vërtetë.
- Mbajnë një fletore mendore (ose fizike)
Nuk është vetëm një zakon i çuditshëm, është një shenjë e heshtur respekti për idetë dhe nevoja për t’i ruajtur ato për mendime të mëtejshme.
Të kesh një metodë të qëndrueshme të regjistrimit të mendimeve ose pyetjeve tregon se mendja e personit punon pa ndërprerje.
Nëse shihni dikë që i shënon me kujdes mendimet e tij, ka të ngjarë që ai të jetë dikush që e vlerëson thellësisht të mësuarit e vazhdueshëm.
- Përdorin gjuhën e trupit në mënyrë strategjike
Gjuha e trupit është alfabeti i heshtur i situatave shoqërore. Njerëzit me inteligjencë mbi mesataren kanë tendencë të shkëlqejnë si në lexim ashtu edhe në përdorimin e tij.
Ata e kuptojnë se mënyra sesi e poziciononi trupin, si e anoni kokën, apo edhe sesi gjestet e duarve mund të përcjellin respekt, empati apo interes.
Ndonjëherë mund t’i vini re duke kopjuar në mënyrë të pavetëdijshme qëndrimin e trupit të personit me të cilin po flasin, një shenjë e natyrshme e lidhjes dhe mirëkuptimit.
Ata gjithashtu e dinë kur të qëndrojnë të palëvizur për të përcjellë respekt ose besim. Duke rregulluar me kujdes lëvizjet e tyre, ata drejtojnë me delikatesë rrjedhën e bisedës, duke i bërë të tjerët të ndihen të dëgjuar dhe të vlerësuar.
Është e mahnitshme sesa shumë ndërveprime kuptimplote ndodhin kur gjuha juaj e trupit thotë: “Unë me të vërtetë kujdesem për ty”.
- Ndihen rehat me heshtjen
Mund të mendoni se njerëzit inteligjentë gjithmonë kanë diçka të mençur për të thënë. Në fakt, mendjet më të ndritura shpesh nuk e ndiejnë nevojën për të mbushur çdo heshtje me fjalë. Ky ngushëllim me heshtjen është shumë i fuqishëm – tregon besim dhe mendim.
Heshtja nuk është vetëm mungesa e zhurmës; është një hapësirë ku lulëzon mendimi, kreativiteti dhe kuptimi më i thellë.
Qoftë në një takim pune apo në një darkë shoqërore, njerëzit inteligjentë shpesh i lënë momentet e heshtjes të zgjasin. Kjo tregon se ata preferojnë një përgjigje të menduar ndaj një reagimi spontan.
Heshtja mund të jetë një dhuratë – veçanërisht kur çon në një koment më kuptimplotë dhe të matur.
- Bëjnë pyetje depërtuese, por me kursim.
Edhe nëse heshtin, njerëzit me mendjehollësi nuk kanë frikë të bëjnë një pyetje që shkon drejtpërdrejt në temë. Shpesh e shihni këtë në diskutime në grup ose seanca ‘brainstorming’.
Ata mund të kenë heshtur për pjesën më të madhe të bisedës, por papritmas bëjnë një pyetje që ndryshon perspektivën.
Çfarë i bën këto pyetje të fuqishme? Ato shpesh janë të hapura dhe inkurajojnë mendimin e thellë. Ato formulohen në një mënyrë që provokon dialog pozitiv, pa i vënë të tjerët në pozicion mbrojtjeje.
Nuk i shikoni duke bombarduar bisedën me pyetje të rastësishme ose sipërfaqësore, por ata presin momentin e duhur dhe bëjnë një pyetje që sqaron ose sfidon supozimet ekzistuese.
- Përshtatin mjedisin e tyre për t’u përqendruar
Qoftë organizimi i zyrës së tyre në një mënyrë specifike apo gjetja e një cepi të qetë në bibliotekë, njerëzit inteligjentë marrin kontrollin e mjedisit të tyre për të përmirësuar mendimin e tyre më të thellë.
Teoria e Dr.Cal Newport për “punën e thelluar” sugjeron që përparimi domethënës në çdo detyrë komplekse kërkon periudha të zgjatura përqendrimi të pandërprerë.
Nuk do t’i shikoni këta njerëz duke kaluar vazhdimisht midis detyrave ose duke kontrolluar vazhdimisht telefonin e tyre. Në vend të kësaj, ata krijojnë “ishuj” kohe dhe hapësire për t’u zhytur plotësisht në punën ose studimin e tyre.
- Qëndrojnë të qetë në situata kaotike
Kaosi ka një mënyrë të veçantë për të zbuluar karakterin e vërtetë të një personi. Kur lind një problem në punë ose kur “gjaku nxehet” në një diskutim të nxehtë, personi i vëzhguar mbetet i qetë, nuk shpërthen dhe e trajton situatën në mënyrë racionale. Kjo është një shenjë e fortë e inteligjencës.
Në një nivel psikologjik, kjo lidhet me vetërregullimin, një shtyllë kyçe e inteligjencës emocionale. Kur dikush i mban emocionet e tij nën kontroll dhe përqendrohet tek zgjidhja, në vend që të fajësojë, kjo tregon se ata kanë një kuptim më të thelluar për formën sesi të menaxhojnë vështirësitë.
Kjo nuk do të thotë që ata nuk ndiejnë stres ose presion, ata thjesht kanë zhvilluar mekanizma përballimi, që i lejojnë ata të menaxhojnë emocionet e tyre në një mënyrë produktive.
Qetësia nën presion nuk është vetëm e mirë për pulsin e tyre, por është gjithashtu një tregues i heshtur i rezistencës dhe pjekurisë mendore.
- Vlerësojnë të mësuarit e vazhdueshëm
Njerëzit shumë inteligjentë nuk e kufizojnë të mësuarit e tyre vetëm në klasa apo programe trajnimi. Nëse shikoni dikë që lexon artikuj për argëtim, shikon dokumentarë ose merr një hobi të ri, është një shenjë se ata kanë një mendje plot kuriozitet.
Njerëzit inteligjentë kërkojnë njohurinë në të gjitha format e saj, edhe nëse është thjesht të mësuarit sesi të bëjnë bukë ose të shikojnë një dokumentar.
