Drejtori Kryesor Shkencor i Mbrojtjes së Shëndetit të Fëmijëve (CHD), Brian Hooker, Ph.D. dhe Shkencëtari i Lartë i Kërkimit, Karl Jablonowski, Ph.D., kanë zbuluar të vërtetën vdekjeprurëse në lidhje me vaksinimin e programuar për foshnjat, në një punim “bombë” këtë javë, duke paralajmëruar se bombardimi me vaksinave i fëmijëve shkakton 19 sëmundje të ndryshme, kryesisht përmes vaksinës “thimerosal-free HibTITER®”.
Dy shkencëtarët analizuan të dhënat nga një grup të dhënash i Florida Medicaid, me të dhëna nga janari 2003 deri në qershor 2007, duke zbuluar rezultate të pafavorshme, statistikisht të rëndësishme, që lidhen me vaksinën HibTITER® kundër “Haemophilus influenzae” e tipit “b” (HIB), një bakter që mund të shkaktojë infeksione që nuk lidhen me gripin. Studiuesit gjetën 19 gjendje të veçanta shëndetësore, duke filluar nga të lehta, deri në kërcënuese për jetën, gjendje të lidhura me vaksinën.
Qendrat për Kontrollin dhe Parandalimin e Sëmundjeve (CDC) aktualisht rekomandojnë një seri vaksinash Hib me 3 ose 4 doza – në vartësi nga formulimi i prodhuesit – duke filluar që në moshën gjashtë javëshe.
The Defender raporton: Gjatë provave klinike HibTITER®, 72 orë pas vaksinimit, studiuesit telefonuan kujdestarët e pjesëmarrësve dhe arritën në përfundimin se “vaksina u gjet e sigurtë dhe efektive”.
“U habitëm nga ajo që zbuluan të dhënat”, tha Dr.Jablonowski. “Kjo vaksinë duhej të ishte studiuar shumë më intensivisht përpara se të lejohej në treg. Në fakt, nuk duhej të lejohej kurrë të injektohej tek foshnjat në mungesë të studimeve rigoroze për të mbështetur sigurinë e saj.”
Dr.Hooker dhe Dr.Jablonowski zbuluan se rezultati më i spikatur negativ ishte tuberkulozi pulmonar. Rezultate të tjera përfshinin astmën, infeksionet akute të sipërme të frymëmarrjes, bronkiolitin akut, laringofaringjitin akut, otit median seroz akut, ezofagitin e refluksit, kolitin, enteritin dhe gastroenteritin.
Vaksina HibTITER® u prodhua nga Wyeth Pharmaceuticals Inc. dhe u shpërnda në SHBA nga viti 1990 deri në vitin 2007 kur dhe u ndërpre.
Artikulli vëren se HibTITER® ishte vaksina dominuese Hib midis viteve 1991 dhe 1994, dhe se më vonë kapi afërsisht gjysmën e tregut, në raport me vaksinat e tjera të miratuara nga FDA.
Nëse supozojmë se 3.5 milionë fëmijë amerikanë të lindur çdo vit i përmbahen programit të miratuar nga qeveria amerikane, të miratuar nga institucioni dhe të rekomanduar nga pediatri, mund të supozojmë se vaksina është injektuar në përafërsisht 35 milionë foshnja, që tani janë midis moshës 16 dhe 33 vjeç.
Sipas Dr.Hooker, “është e dukshme që kjo vaksinë u tërhoq në heshtje nga tregu në vitin 2007, veçanërisht në dritën e lidhjes së saj me shumë ngjarje të padëshiruara tek fëmijët.”
Lexon sa më sipër dhe bindesh që segmente të industrisë farmaceutike janë kriminale dhe se vaksina përdoret për të patur pacientë në afatgjatë dhe të ardhura të sigurta për industrinë e medikamenteve, që po bëhen të domosdoshme (me detyrim), si uji që pijmë dhe ajri që thithim.
