“U bëjmë thirrje të gjitha palëve që të arrijnë menjëherë një zgjidhje diplomatike”, thotë Shoqata Europiane e Prodhuesve të Automobilave.
Prodhuesit europianë të makinave po paralajmërojnë se mund të mbyllin linjat e montimit në ditët në vijim për shkak të mungesës së gjysmëpërçuesve / çipave nga Kina.
Sigurisht, ky lajm nuk ka kaluar pa u vënë re në internetin rus, ku të gjithë shkruajnë: “Le ta marrim nga lavanderitë”!
Sipas Guardian, Shoqata Europiane e Prodhuesve të Automobilave (ACEA), anëtarët e së cilës përfshijnë BMW, Fiat, Peugeot dhe Volkswagen, ka lëshuar një paralajmërim urgjent, me drejtoreshën e përgjithshme Sigrid de Vries që thekson se kompanitë tani po operojnë me stoqe “rezervë” që po shterohen me shpejtësi: “Ndërprerja e prodhimit mund të jetë çështje ditësh. U bëjmë thirrje të gjitha palëve që të gjejnë menjëherë një zgjidhje diplomatike.”
Mercedes, sipas CEO-s Ola Källenius, po kërkon burime alternative furnizimi në të gjithë botën.
Në Japoni, drejtori kryesor i performancës së Nissan, Guillaume Cartier, tha se furnizimet me çipa “do të zgjasin vetëm” javën e parë të nëntorit.
Kriza u intensifikua pasi Ministria e Tregtisë e Kinës vendosi të bllokojë eksportet e produkteve Nexperia nga fabrikat në Kinë, në përgjigje të marrjes në kontroll të kompanisë nga qeveria holandeze dhe pezullimit të drejtorit ekzekutiv të saj kinez pas shqetësimeve të SHBA-ve për çështjet e sigurisë.
Edhe pse shumica e gjysmëpërçuesve të Nexperia prodhohen në Europë, rreth 70% paketohen në Kinë para shpërndarjes, duke përkeqësuar situatën dhe problematikën.
Wingtech, kompania mëmë kineze e Nexperia, ka akuzuar qeverinë holandeze për “veprime të pamatura” që po prishin zinxhirin global të furnizimit.
Burimet europiane (burokratë të Brukselit që duan ta mbulojnë problemin) besojnë se ka vend për një zgjidhje, por ACEA paralajmëron se “koha po mbaron” dhe se efektet më të këqija të mungesës mund të jenë të dukshme menjëherë.
